त्या तरुतळी विसरले गीत
त्या तरुतळी विसरले गीत
हृदय रिकामे घेऊन फिरतो
हृदय रिकामे घेऊन फिरतो
इथे तिथे टेकीत
त्या तरुतळी विसरले गीत
त्या तरुतळी

मुक्या मना मग भार भावना
स्वरातूनी चमकते वेदना
मुक्या मना मग भार भावना
स्वरातूनी चमकते वेदना
तप्तरणे तुडवीत हिंडतो
तप्तरणे तुडवीत हिंडतो
ती छाया आठवीत
त्या तरुतळी विसरले गीत
त्या तरुतळी

विशाल तरु तरी फांदी लवली
थंडगार घनगर्द सावली
विशाल तरु तरी फांदी लवली
थंडगार घनगर्द सावली
मनीची अस्फुट स्मिते झळकती
मनीची अस्फुट स्मिते झळकती
तसे कवडसे तीत
त्या तरुतळी विसरले गीत
त्या तरुतळी

मदालसा तरुवरी रेलूनी
वाट बघे सखी अधिर लोचनी
मदालसा तरुवरी रेलूनी
वाट बघे सखी अधिर लोचनी
पानजाळी सळसळे
पानजाळी सळसळे वळे ती
मधित हृदय कवळीत
त्या तरुतळी विसरले गीत
त्या तरुतळी

पदर ढळे कचपाश भरभ्‌रे
नव्या उभारीत ऊर थरथरे
पदर ढळे कचपाश भरभ्‌रे
नव्या उभारीत ऊर थरथरे
अधरी अमृत उतू जाय
अधरी अमृत उतू जाय
परि पदरी हृदय व्यथित
त्या तरुतळी विसरले गीत
त्या तरुतळी

उभी उभी ती तरुतळी शिणली
भ्रमणी मम तनू थकली गळली
उभी उभी ती तरुतळी शिणली
भ्रमणी मम तनू थकली गळली
एक गीत परी चरण विखुरले
एक गीत परी चरण विखुरले
व्दिधा हृदय संगीत
त्या तरुतळी विसरले गीत
त्या तरुतळी विसरले गीत
हृदय रिकामे घेऊन फिरतो
इथे तिथे टेकीत
त्या तरुतळी विसरले गीत
त्या तरुतळी