Saat - 05:00, xadimələr qan silir
“Verse”üm ot qədər təsirli, götür, sən də dart birini
Hansısa şeyi bacarmaq üçün ayağın üstdə qal diri
Bil ki, tanrı xoşbəxtliyi biz kimilərə haram bilib

Hansı vəziyyətə gəlib? Yaşı 70 azından
Aclıqdan çörək yox, daşı yumşaq sansınlar
Buralar qorxuncdur, mənim gəzdiyim şəhərdə
Qan ləkəsi var hər addım başı uşaq parkında

Arxandan iş çevirər çörək verdiyin sərsəm
Başına bir qapaz qoy, it bəsləyirsənsə
Hər şeyin axrına çıx, bunu istəyirsənsə
Yıxılmaq “подло” deyil, qalxmağı bilirsənsə

Savablarım azalır...
Hər gecə ayılıram, içkili eşidib azanı
Pul əl çirki deyil, ondan bizə də gətir
Maşınların çoxaldığı şəhərdə insanlıq azalıb

Səhərəcən yazıram, kimsə bir dənə “beat” qoysa
Hər “verse”ün məqsədi küçələrdə iz qoymaq
Adım Baba, kök bədənim, balaca bir boyda
Küçələr tanıyır məni, yaşamasam da Detroit-da

Bizlər yaxşı bilir, xəyalların sönməyin
20 qəpiklik qoğalı 7 yerə bölməyi
Evdə atanın ananı, gözü önündə döyməyi
10 yaşındaki uşağın ümidlərinin ölməyi

Hər günü dilənmək və hər günü eyni keçir
Gecələri dərman atır, səhərləri də yoxdur beyin
(yoxdur beyin) Yaxınlaşıb soruş, desin
Küçədəki heç bir uşaq öz kefindən çöldə deyil

Yazdığım hər bir cümlədə sən dinlə və qəhərlən
Evində birin yandır, çıx balkona zəhərlən
Günahı deyil kiminsə ac qalıbsa səhərdən
Gecələri qan qoxan şəhər, gül qoxuyur səhərlər