Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri

Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri

Bu gün də içmişəm
Dayandım 10-cu bakalda
Hər kəs gedibdir deyəsən
Qaçırtdım sonuncu qatarı da

Necə ki, qaçırdıram
İllərdir həyatın hər anını
Hər kəs yatıb, bir tək mən oyaq
Gəzirəm şəhərin hər yanını

Ürəyim istəyir qışqırım
Səssizliyi pozub əl çalım
Binalar bu qədər yüksəlib, amma
İnsanın vicdanı alçalıb

Beynimi fikirlər yorur
Spirtin təsirində
Ayağım güclə gedir
Soyuqdur, əsirəm mən

Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri

Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri

Ayaqlarım tutulub
Yanımda heç kim yox
Yanımda kim var idi ki?
Yadımda heç kim yox

Yaxında bir yaxın varmı (hə?)
Uzağa aparsın, uzanım
Saat 4-ü keçməyib
Elə bil saatın zamanı uzanıb

Gözümün görmədiyi yerdəyəm
Dözümün qurtardığı yerdə
Sözümün qurtardığı yerdəyəm
Səsimin çıxmadığı yerdə

Burda xəyallar donub
Keçmiş gəlir üstümə
Və mən uzanmaq istəyirəm
Soyuq bir daşın üstünə

Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri

Baxıram şəhərimə
Boğulub qəhərimə
Gəzirəm şəhəri mən
Gəzirəm bir təhəri