آه، آه، آه
Kimo Eldeeb

تعبان من اللي بشوفه بقيت خايف
من دمع عيني أنا مش شايف
وبقول لنفسي كثير آسف أصل شكيت فيها
زعلان من جوة مني أنا فاض بيّ
صبرت فوق صبري شوية
الحزن ليه متبت فيّ ضحكتي أنا نسيها

مخنوق قدام مرايتي وبسألني
أنا ليه مفيش غيري فهمني
بقعد معايا وأكلمني ع اللي حاصل ليّ
بتأثر أنا لما بحكي لي حكياتي
بتزيد دموعي أنا وآهاتي
وحزين وكل أستوريهاتي جرح معا قاسية

مجروح والجرح أكبر من العادي
شكلي هموت المرة دي
باللي أنا فيه لا مش راضي أصل مستهلوش
غلبان ممنوع نهائي من الفرحة
والسكة ضلمة ومش واضحة
أفكاري لا مش متصالحة أيوة متفهومش

يا حياتي ليه كل حاجة مش في مكانها
ليه الدنيا بتسد بيبنها
ليه نفسي بتزيد أحزنها نفسي ألاقى البر
واليوم ديما ثقيل مش بيعدي
ودموعي ديما على خدي
أفكاري ليه طب تتشدي للغلط والشر

معقول كسرتي أنا تجي لي من صاحبي
اللي أكل معايا في طبقي
اللي كان أقرب من قلبي هو اللي آذاني
طب ليه ده أنا كنت أموت علشان خاطره
ضحيت كثير أنا من أجله
إديته أكبر من حجمه بس هبقى أناني

كان مين فيكم في يوم كان شال همي
يا أفاعي بتمص في دمي
لو تبلعي الريق تتسمي ما إنتوا أخطر سم
السم ذوقته عشان كنت معاكوا
هو إنتو إيه من جواكوا
كنت ناقص أترجاكوا بس مفيكوش دم

متجيش ومترجعيش أنا مش ليكي
الكذب كله لقيته فيكي
إمسحي خدك وعينيكي دي دموعك تمثيل
كذابة والعيشة جنبك مؤذية
بتحبي نفسك أنانية
مش نافعة حتى لتسلية دمك إنت ثقيل

بتشاف إني ضعيف ما أنا حبيتك
وعشان بجد إستنيتك
ضمرتيني يخربيتك أه كرهت الحب
الحب أصلا خسارة في أمثالك
شوفتيني سهل عشان سالك
مع إن قلبي ياما ادا لك وإنت مفكيش قلب

يا دموع أنا وإنت بس مفيش ثالث
ولنفسي كل حاجة اتقالت
ما أنا ليه هروح أشكي لواحد أسمع أنا معليش
معليش الكلمة دي بتعصبني
زادت الجراح وبتتعبني
عشان كده لوحدي سيبني لا مبتكلمش

ويا ليل مبلاش تطول وحياتي
أنا فيكي براجع غلطاتي
واصل نهاية إحباطي كل ليلة دموع
وعيوني مش عايزة تنشف من فترة
مش مفهومة حالتي وخطرة
روحت كثير أنا لدكترة صعبوا الموضوع