أسوء إحساس لما إنت ضيع من طاقتك مجهود
مع شخص خلاص بارد حبك جوة اتحول لبرود
ويا قلبي إزاي اختارتها ده مفيش ولا ميزة أنا شوفتها
بس الموضوع بنا انتهى حطها بقى في دولاب الماضي
كيمو الديب

أول إنجاز إن أنا عيطت كثير ومقولتش آه
كان ثاني إنجاز قافل على نفسي وكاره أي حياة
ثالث إنجاز إني أنا موجوع وبقول أنا تمام ومفيش موضوع
مع إن عينيّ دي فيها دموع موتي بتمناه
من جوايا بتمنى الموت ليه هعيش مدمر مضغوط
الحزن في قلبي ومحطوط فوق مني جراح بتدمرني
الهم شريحة فودافون شغالة والخط أهو مشحون
هترنوا تلاقوا الكولتون أغنية حزني بتكسرني

دنية أوجاع والظاهر إنها كاتبة لي يا ناس الجرح
وخذاني في صراع وبتنزل تلطيش فيّ ومن غير شرح
بكتم جوايا كثير وبشيل وأقعد مع نفسي في آخر الليل
منطوي للعزلة تملي بميل ما أنا مش لاقي فرح
مكتوب في بطاقتي العنوان تايه مش لاقي أي مكان
أنا ساكن جمب الأحزان في الشارع اللي في وش الفرحة
بس الفرحة مبتقربش عملين مع بعض يا ناس تاتش
إزاي في الدنيا دي متعبش وأواجه أي سنين جارحة

ليه أحب في ناس أصلا مش حبين ليّ نهائي الخير
مع إني ملاك خلوني في عين الناس كلها شرير
كنت معاهم مخلص وبصون ضربوني بألف سلاح مسنون
إزاي العيش والملح يهون أنا شوفت كثير
كل الدرامات أنا عيشتها مع ناس أنا كنت بحبها
قصة بتفاصيلها واِسمها قصة سالك مع ناس خاينة
الدرس فهمته وهحفظه خليكم من وراء ظهري اغمزوا
تطبيق الدرس هنفذه مش عايز أعيش معاكم ثانية

تغيير ملحوظ اتحولت بقيت جدا شخص عنيد
طول عمري بفوز بدموع وجراح وألام وبحزن جديد
ببعد أكثر ما أنا كنت بعيد تفكيري السلبي معايا بيزيد
من كثر ما بقعد أيوة وحيد هتشوفني مريض
أيوة مريض عادي ومش عيب ما أنا موجع منك يا نصيب
واخذ صدماتي بالترتيب كل شوية في صدمة جديدة
مصدوم من ظلم الأيام شوفت كثير والله حرام
وبطبق مش بعرف أنام فاختارت أروح حتة بعيدة

أسوء إحساس لما إنت ضيع من طاقتك مجهود
مع شخص خلاص بارد حبك جوة اتحول لبرود
اختار غيرك سابك غرقان في دموع وفي بحر من الأحزان
تتعلق بيه ويسيبك ويبقى مش موجود
البعد ده خير أنا قولت لك ع إيه أنا كنت مستحملك
اتفضلي يلا هوصلك علشان تطلعي برا حياتي
ويا قلبي إزاي اختارتها ده مفيش ولا ميزة أنا شوفتها
بس الموضوع بنا انتهى حطها بقى في دولاب الماضي
حصريا على موقع مهرجانات دوت كوم