حصريا على موقع مهرجانات دوت كوم
فارقني أبويا وساب لي كوم لحم في رقبتي
من يومها أنا اتيتمت وما عشتش طفولتي
بيقولوا أشهر شاب في مصر
ومحقق أحلام العصر
عامل ملايين وصاحب قصر ولعانة معه
كيمو الديب

الدنيا قاسية اتشقلبت بيّ في ثواني
فتحت عيني لقيتني فجأه في دنيا ثاني
وحشتني نفسي وأهلي واخواتي ومكاني
هوِّن يا رب الغربة صعبة مموتاني
هوِّن يا رب الغربة صعبة مموتاني

ربنا علشان عالم بيّ
مش هيشمتكم يوم فيّ
قادر يا كريم تسمع ليّ وتنجيني
أنا عارف انك مش هتسبني
وبلاك معناه ان انت حاببني
ده أنا طوب الأرض بيحاربني طالع عيني

آه من الحياة بقى كل ده كان مستخبي
أنا مش بخير والصدمة هتوقف لي قلبي
غرقان في بحر دموع مافيش ولا حد جمبي
ما بقاش خلاص بإيديّ غير إني أدعي ربي

مش عارف أنام من تفكيري
ولا حتى بقرب لسريري
مظلوم ولا عارف إيه مصيري نفسي نسيتها
مصدوم من كثر اللي حصلي
واللي أنا بسمعه وبيوصل لي
حد يفهمني يفسر لي إيه أخرتها

العجل لما يقع بتكتر سكاكينه
وكأنهم كانوا بالسلاح مستنينه
الغدارين متحولين لكلاب مالينه
سانين سنانهم ليل نهار ومقطعينه

كله بينهش مين بيسمي
عايزين ياكلوني وأنا متغمي
شايفني وأنا بنزف دم ومش راحمني
بالحياة لو طالوا يدفنوني
من بكرة في تربة هيرموني
ويجيبوا صوان ويعزوني الله يعيني

فارقني أبويا وساب لي كوم لحم في رقبتي
من يومها أنا اتيتمت وما عشتش طفولتي
واخذنني بالظاهر ومش عارفين حقيقتي
بسبب عينيكم على النجاح بدفع ضريبتي

أنا قصة الناس بتألفها
دايرة بتتكلم على كيفها
هي الكواليس مين بيشوفها آه يا حول الله
بيقولوا أشهر شاب في مصر
ومحقق أحلام العصر
عامل ملايين وصاحب قصر ولعانة معه

معايا كم معايا رب إسمه الوكيل
فوضت أمري إليه وبحالي صبح كفيل
اللي معه ربه ما شفش المستحيل
قادر يزيح الهم والحمل الثقيل