'n Man was van Jerusalem
Na Jericho oppad
Die rowers het hom aangeval
En al sy goed gevat

'n Priester het daarlangs gekom
Maar net verby gegaan
Ook die Leviet het hom sien lê
En in sy pyn laat staan

Maar toe het daar 'n vreemdeling
Uit jammerte gestop
Sy wonde is mooi skoon gewas
En kry ook olie op

Hy neem hom na die herberg toe
En haal twee munte uit
Wanneer hy later weer daar kom
Betaal hy elke duit

Nou wie van hierdie drie dink jy
Het naastediens verstaan?
Die priester en Leviet het nie
Net die Samaritaan

Het jy die storie mooi verstaan?
Wil jy vir Jesus dien?
Dan moet jy elke mens om jou
Ook as jou naaste sien