Атым баскан җирнең хуҗасы – мин,
Үз җиремнән куылган – мин.
Ятимнәрдән туган булырмы котлы?
Минем исемем – Атлы!

Ике Рум ара кан коялар,
Мал бүлеп, җәрәһәт оралар.
Күк әмере – булыр сөн малы,
Без – Тулу кошның токымы.

Румнан Румга, чүлдән сахрага
Тулу кош җәйгән канатын.
Атлы атыннан, сөн шаныннан
Күк сеңдергән ятимнәр куәтен.

Җилне ияргә тотып булмас,
Сөн яүгирен җиңеп булмас,
Яшеннән качып булмас,
Сөн кылычыннан котылып булмас.

Кара көннең караңгы шәүләсе,
Руми ләгыйннең ала гаскәре,
Атлының сөннәре егылды чалынып,
Каталаунда калды ятып.