तिन्ही लोक आनंदाने भरुन गाउं दे रे
तुझे गीत गाण्यासाठी सूर लावुंदे रे
तुझे गीत गाण्यासाठी सूर लावुंदे रे
तुझे गीत गाण्यासाठी

शुभ्र तुरे माळून आल्या निळ्या निळ्या लाटा
रानफुले लेवुन सजल्या या हिरव्या वाटा
शुभ्र तुरे माळून आल्या निळ्या निळ्या लाटा
रानफुले लेवुन सजल्या या हिरव्या वाटा
या सुंदर यात्रेसाठी
या सुंदर यात्रेसाठी मला जाउं दे रे
तुझे गीत गाण्यासाठी सूर लावुंदे रे
तुझे गीत गाण्यासाठी

मोर केशराचे झुलती पहाटेस दारी
मोर केशराचे झुलती पहाटेस दारी
झऱ्यातुनी दिडदा दिडदा वाजती सतारी
वाजती सतारी
सोहळयात सौंदर्याच्या
सोहळयात सौंदर्याच्या तुला पाहु दे रे
तुझे गीत गाण्यासाठी सूर लावुंदे रे
तुझे गीत गाण्यासाठी

शांत शांत उत्तररात्री मंद मंद तारे
शांत शांत उत्तररात्री मंद मंद तारे
तुझे प्रेम घेउन येती गंध धुंद वारे
गंध धुंद वारे
चांदण्यात आनंदाच्या
चांदण्यात आनंदाच्या मला न्हाउ दे रे
तुझे गीत गाण्यासाठी सूर लावुंदे रे
तुझे गीत गाण्यासाठी

एक एक नक्षत्राचा दिवा लागताना
आणि फुले होण्यासाठी कळ्या जागताना
एक एक नक्षत्राचा दिवा लागताना
आणि फुले होण्यासाठी कळ्या जागताना
पौर्णिमा स्वरांची माझ्या
पौर्णिमा स्वरांची माझ्या तुला वाहू दे रे
तुझे गीत गाण्यासाठी सूर लावुंदे रे
तुझे गीत गाण्यासाठी