श्री राम श्री राम श्री राम
श्री राम श्री राम श्री राम
स्वये श्रीरामप्रभु ऐकती
स्वये श्रीरामप्रभु ऐकती
कुश लव रामायण गाती
स्वये श्रीरामप्रभु ऐकती
स्वये श्रीरामप्रभु ऐकती
कुश लव रामायण गाती
कुश लव रामायण गाती

कुमार दोघे एक वयाचे
सजीव पुतळे रघुरायाचे
कुमार दोघे एक वयाचे
सजीव पुतळे रघुरायाचे
पुत्र सांगती चरित पित्याचे
पुत्र सांगती चरित पित्याचे
ज्योतीने तेजाची आरती
ज्योतीने तेजाची आरती
कुश लव रामायण गाती
कुश लव रामायण गाती

राजसमुद्रा वेष मुनींचे
गंधर्वच ते तपोवनीचे
राजसमुद्रा वेष मुनींचे
गंधर्वच ते तपोवनीचे
वाल्मीकींच्या भाव मनीचे
वाल्मीकींच्या भाव मनीचे
मानवी रुपे आकारती
मानवी रुपे आकारती
कुश लव रामायण गाती
कुश लव रामायण गाती

ते प्रतिभेच्या आम्रवनातील
वसंत वैभव गाते कोकील
ते प्रतिभेच्या आम्रवनातील
वसंत वैभव गाते कोकील
बालस्वरांनी करुनी किलबिल
बालस्वरांनी करुनी किलबिल
गायनें ऋतुराजा भारिती
गायनें ऋतुराजा भारिती
कुश लव रामायण गाती
कुश लव रामायण गाती

फुलापरी ते ओठ उमलती
सुगंधसे स्वर भुवनी झुलती
फुलापरी ते ओठ उमलती
सुगंधसे स्वर भुवनी झुलती
कर्णभूषणें कुंडल डुलती
कर्णभूषणें कुंडल डुलती
संगती वीणा झंकारती
संगती वीणा झंकारती
कुश लव रामायण गाती
कुश लव रामायण गाती

सात स्वरांच्या स्वर्गामधुनी आ आ आ आ
सात स्वरांच्या सात स्वरांच्या
सात स्वरांच्या स्वर्गामधुनी
नऊ रसांच्या नऊ स्वरधुनी
यज्ञमंडपीं आल्या उतरुनी
यज्ञमंडपीं आल्या उतरुनी
संगमी श्रोतेजन नाहती
संगमी श्रोतेजन नाहती
कुश लव रामायण गाती
कुश लव रामायण गाती

पुरुषार्थाची चारी चौकट
त्यात पाहता निजजीवनपट
पुरुषार्थाची चारी चौकट
त्यात पाहता निजजीवनपट
प्रत्यक्षाहून प्रतिमा उत्कट
प्रत्यक्षाहून प्रतिमा उत्कट
प्रभुचे लोचन पाणावती
प्रभुचे लोचन पाणावती
कुश लव रामायण गाती
कुश लव रामायण गाती

सामवेदसे बाळ बोलती आ आ आ आ
सामवेदसे सामवेदसे सामवेदसे बाळ बोलती
सर्गामागुन सर्ग चालती
सचिव मुनिजन स्त्रिया डोलती
सचिव मुनिजन स्त्रिया डोलती
आसवे गाली ओघळती
आसवे गाली ओघळती
कुश लव रामायण गाती
कुश लव रामायण गाती

सोडुन आसन उठले राघव
उठले राघव
सोडुन आसन उठले राघव
उठले राघव
उठुन कवळिती अपुले शैशव
अपुले शैशव
पुत्रभेटीचा घडे महोत्सव
पुत्रभेटीचा घडे महोत्सव
परि तो उभया नच माहिती
परि तो उभया नच माहिती
कुश लव रामायण गाती
कुश लव रामायण गाती
स्वये श्रीरामप्रभु ऐकती
स्वये श्रीरामप्रभु ऐकती
कुश लव रामायण गाती
कुश लव रामायण गाती