साक्षीस चंद्र आणि हळुवार स्पर्श होते
साक्षीस चंद्र आणि हळुवार स्पर्श होते
त्या भोगल्या क्षणांना
त्या भोगल्या क्षणांना
नव्हतेच काहि नाते
साक्षीस चंद्र आणि हळुवार स्पर्श होते

डोळ्यांत बिंब होते नुसते भिजून गेले
डोळ्यांत बिंब होते नुसते भिजून गेले
नि:श्वास ते कळ्यांचे कोषांत लाजलेले
होता फुलून आला अंगावरी शहारा
गात्रांत मात्र राजा कसलेच भान नव्हते!
साक्षीस चंद्र आणि हळुवार स्पर्श होते

प्रतिसाद मूक होता ओठांत थांबलेला
प्रतिसाद मूक होता ओठांत थांबलेला
तो शब्द रे सुखाचा हृदयात कोंदलेला
गालावरी खुळी रे कळ एक साचलेली
दु:खात की सुखी रे काहीच ज्ञात नव्हते
साक्षीस चंद्र आणि हळुवार स्पर्श होते