जाता जाता गाईन मी
जाता जाता गाईन मी
गाता गाता जाईन मी
गेल्यावरही या गगनातील
गीतांमधुनी राहीन मी
माझे जगणे होते गाणे
माझे जगणे होते गाणे
कधी मनाचे कधी जनाचे
कधी मनाचे कधी जनाचे
कधी धनास्तव कधी बनाचे
कधी घनाशय कधी निराशय
कधी घनाशय कधी निराशय
केवळ नाद तराणे
माझे जगणे होते गाणे
माझे जगणे होते गाणे

आलापींची संथ सुरावळ
वा रागांचा संकर गोंधळ
आलापींची संथ सुरावळ
संथ सुरावळ
संथ सुरावळ
आलापींची संथ सुरावळ
वा रागांचा संकर गोंधळ
कधी आर्तता काळजातली
कधी आर्तता काळजातली
केव्हा फक्त बहाणे
माझे जगणे होते गाणे
माझे जगणे होते गाणे

राईमधले राजस कूजन
राईमधले राजस कूजन
कधी स्मशानामाधले क्रंदन
राईमधले राजस कूजन
कधी स्मशानामाधले क्रंदन
अजणातेचे अरण्य केव्हा
अजणातेचे अरण्य केव्हा
केव्हा शब्द शहाणे
माझे जगणे होते गाणे
माझे जगणे होते गाणे

जमले अथवा जमले नाही
खेद खंत ना उरले काही
जमले अथवा जमले नाही
खेद खंत ना उरले काही
अदृष्यातील आदेशांचे
अदृष्यातील आदेशांचे
ओझे फक्त वाहणे
माझे जगणे होते गाणे
कधी मनाचे कधी जनाचे
कधी धनास्तव कधी बनाचे
कधी घनाशय कधी निराशय
केवळ नाद तराणे
माझे जगणे होते गाणे
माझे जगणे होते गाणे
माझे जगणे होते गाणे