गणनायका
गणनायका शुभदायका
यावे तुम्ही गिरीकंदरा
सह्याद्रीच्या हृदयामध्ये
लेण्याद्रीच्या या मंदिरा गणनायका

शिवनेरीच्या शिवशंभूचा
सहवास पावन लाभला
उकडीतीरी तव मंदिरी
हा पुण्यसंचय हा भला
गिरीजात्मजा
गिरीजात्मजा तव मूर्ती ही
सिंदूरचर्चित सुंदरा गणनायका

तोडूनिया भवपाश हे
भवकाळ या गुंफातुनी
तपी बैसले बहु कष्टले
का व्यर्थ ते योगीमुनी
भक्ती तुझी
भक्ती तुझी सुखदायिनी
तप का उगा मग आचरा गणनायका
गणनायका शुभदायका
यावे तुम्ही गिरीकंदरा
सह्याद्रीच्या हृदयामध्ये
लेण्याद्रीच्या या मंदिरा गणनायका