गॅजेट मधून बाहेर पडून चल जाऊया आत,
धमाल इथून कमाल तिथून सुरू करू जोमात,
आजीचं तू बोट धरून चल वाटेवर बिनधास्त,
थोडं हसून थोडं बसून करूया गंमत खास,
चल धाव!! आलं एक नंबर गाव!!

हे गाव खूप जुनं आता पडलय सूनं
इथे भाषेची शेती शब्दांचे मोती
पूल पुस्तकांचा नद्या कवितांच्या
महाल बोलींचा बघ गड मराठीचा
तुला करायचा सर तिथे आहे एक घर
पण मध्ये दलदल तू हळूहळू चल
एक लांब गुहा काळी आणि डेंजर एक टोळी
तुला राहायचं जपून अन थोडंसं लपून
थोडसं लढून राजा थोडंसं भिडून
जायचं गावाला जाताना जिंकून!

जाशील ना?
जाणार ग्रॅनी! तुझी शप्पथ!

स्माईल बघून स्टाईल बघून
पटलय मला रे आज!
तू करशील कमाल आणशील धमाल
लावशील साऱ्यांची वाट!

चल धाव!! आलं एक नंबर गाव!!
चल धाव!! आलं एक नंबर गाव!!