डोळ्यापुढे दिसे ग मज चित्र ते सजीव
माझ्या घरातली तू गृहिणी सखी सचिव गृहिणी सखी सचिव
ही एक आस होती हृदयात एकमेव
डोळ्यापुढे दिसे रे मज चित्र ते सजीव मज चित्र ते सजीव

कोलाहली जगाच्या घरकुल आपुले गे
सोलीव शांततेचे मंदिर सानुले गे
कोलाहली जगाच्या घरकुल आपुले गे
सोलीव शांततेचे मंदिर सानुले गे
मी तेथली पुजारी तू पूजनीय देव
डोळ्यापुढे दिसे ग मज चित्र ते सजीव मज चित्र ते सजीव

गीतासवे तुझ्या गे गेही प्रभात व्हावी
खाद्या रुचि सुधेची हाते तुझ्याच यावी
गीतासवे तुझ्या गे गेही प्रभात व्हावी
खाद्या रुचि सुधेची हाते तुझ्याच यावी
वाहीन देह देवा, वाहीन जीवभाव
डोळ्यापुढे दिसे ग मज चित्र ते सजीव मज चित्र ते सजीव

दिन सोनियात न्हावा रजतात रातराणी
आनंद तोच यावा लेवून बाललेणी
दिन सोनियात न्हावा रजतात रातराणी
आनंद तोच यावा लेवून बाललेणी
साकार ये समोरी स्वप्‍नात हीच शीव
डोळ्यापुढे दिसे ग मज चित्र ते सजीव मज चित्र ते सजीव