धन्य धन्य हो प्रदक्षिणा सद्गुरुरायाची
धन्य धन्य हो प्रदक्षिणा सद्गुरुरायाची
झाली त्वरा सुरवरां विमान उतरायाची
धन्य धन्य हो प्रदक्षिणा सद्गुरुरायाची

पदोपदी अपार झाल्या पुण्याच्या राशी
पदोपदी अपार झाल्या पुण्याच्या राशी
सर्वही तीर्थे घडली आम्हा आदिकरुनि काशी
धन्य धन्य हो प्रदक्षिणा सद्गुरुरायाची

मृदुंग टाळ ढोल भक्त भावार्थे गाती
मृदुंग टाळ ढोल भक्त भावार्थे गाती
नामसंकीर्तने ब्रह्मानंदे नाचती
धन्य धन्य हो प्रदक्षिणा सद्गुरुरायाची

कोटि ब्रह्महत्या हरिती करितां दंडवत
कोटि ब्रह्महत्या हरिती करितां दंडवत
लोटांगण घालिता मोक्ष लोळे पायात
धन्य धन्य हो प्रदक्षिणा सद्गुरुरायाची

गुरुभजनाचा महिमा न कळे आगमानिगमांसि
गुरुभजनाचा महिमा न कळे आगमानिगमांसि
अनुभव ते जागति जे गुरुपदिचे अभिलाषी
धन्य धन्य हो प्रदक्षिणा सद्गुरुरायाची

प्रदक्षिणा करूनि देह भावे वाहिला
प्रदक्षिणा करूनि देह भावे वाहिला
श्रीरंगात्मज विठ्ठल पुढे उभा राहिला
धन्य धन्य हो प्रदक्षिणा सद्गुरुरायाची
धन्य धन्य हो प्रदक्षिणा सद्गुरुरायाची
धन्य धन्य हो प्रदक्षिणा सद्गुरुरायाची