देवतुल्य बाबा माझे देवतुल्य आई
देवतुल्य बाबा माझे देवतुल्य आई
पुजा रोज करितो त्यांची
पुजा रोज करितो त्यांची अन्य देव नाही
देवतुल्य बाबा माझे देवतुल्य आई

पेटवून त्यांच्यापाशी दोन नेत्रज्योती
लावुनिया पावन होतो चरणधूळ माथी
सदा मागतो मी त्यांचे
सदा मागतो मी त्यांचे वरदहस्त डोई
देवतुल्य बाबा माझे देवतुल्य आई

शुद्ध भाव आणि त्यांच्या मनी वसे प्रेम
शुद्ध भाव आणि त्यांच्या मनी वसे प्रेम
वचन सत्य बोलायाचा असे नित्य नेम
भल्याबुर्‍या परिणामांचा
भल्याबुर्‍या परिणामांचा खेदखंत नाही
देवतुल्य बाबा माझे देवतुल्य आई

नभाहून मोठी माया हृदय सागराचे
समाधान खेळे सदनी शांति-वैभवाचे
प्रपंचात राहूनीया
प्रपंचात राहूनीया सत्त्वशील राही
देवतुल्य बाबा माझे देवतुल्य आई
देवतुल्य बाबा माझे देवतुल्य आई