आता स्वामी सुखे निद्रा करा अवधूता निद्रा करा अवधूता
चिन्मय सुखधामी जाउनी पहुडा एकांता

वैराग्याचा कुंचा घेवूनी चौक झाडीला गुरु हा चौक झाडीला
तयावरी सप्रेमाचा शिडकावा केला

पायघड्या घातल्या सुंदर नवविधा भक्ती सुंदर नवविधा भक्ती
ज्ञानाच्या समया उजळुनी लाविल्या ज्योती
भावार्थाचा मंचक हृदयापाशी टांगीला हृदयापाशी टांगीला
मनाची सुमने करुनि गेले शेजेला

द्वैताचे कपाट लोटुनी एकत्र केले
द्वैताचे कपाट लोटुनी एकत्र केले गुरु हे एकत्र केले
दुर्बुध्दीच्या गाठी सोडूनी पडदे सोडले
आशा तृष्णा कल्पनांचा सांडूनी गलबला गुरु हा सांडूनी गलबला
दया क्षमा शांती दासी उभ्या सेवेला
अलक्ष उन्मनी घेउनी नाजूक हा शेला गुरु हा नाजूक हा शेला
निरंजन सदगुरु माझा निजे शेजेला
निरंजन सदगुरु माझा निजे शेजेला