ياغايبه ماني مثل ماتظنين
‏ ماعلموك اخباري .. ومادريتي
‏
‏انهرت ؟ اي والله وذقت الامرين
‏مثل انهيار الاتحاد السوفيتي
‏
‏الى متى وانتي تجين وتروحين
‏ الى متى والى متى مارضيتي
‏
‏رحتي واخذتي كل شي قبل تمشين
‏بالله وش اللي بقا ماخذيتي ؟

كنت اتضايق كل مانتي تضيقين
‏واستصغر الدنيا لامنك بكيتي
‏
‏وكانت خطاويي من القلب للعين
‏في قلبك وفي عينك البيت بيتي
‏
‏كنت اسهرك دايم واحبك تنادين
‏اسمي والبي لك متى مادعيتي

‏وكنت اسمعك واقول لك وش تقولين
‏ عشان امتع مسمعي لاحكيتي
‏
‏ وكنتي تحبيني وكنتي تخافين
‏من وحشة دروب المفارق ، نسيتي ؟
‏
‏ودار الزمن هالحين وينك انا وين ؟
‏ معقوله اخترتي الفراق وجفيتي
‏
‏اكثر رجل ماهو يحبك تضيقين
‏ضيقتي الدنيا عليه ومشيتي
‏
‏ليتك عرفتي يوم حبك تحبين
‏ تدرين لا داعي لـ ليتك وليتي
‏
‏غيبي على كيفك ولاعاد تاتين
‏ماني حبيبٍ لك متى مابغيتي