افكاري جداد لا تدثر ولا هي سدو
واجهود هاجس خيالي ما تروّح سدا
اخوى على المدح خوية مدمنين القِدو
ولا امدح الا المديح اللي فعوله قدا
يا كمّهْم اللي تمنّو مدحي ولا اوجدو
نفسي عطاها على التبجيل ماهي جدا
لكن مبارك له بقلبي رياضٍ نِدو
وغيوم الافكار هماله بخير وندا
ياكم كتبت وكتب الشعر به و انشدو
والجزل ياقف لفعله شعر لحن انشدا
قرمٍ يحبه جميع الناس حتى العدو
هذا اذا كان عنده مبغضين و عدا
الفارق اللي جعل من لا يحبه فدو
للي حياته لفعل الطيب راحت فدا
متميّزٍ لو حدوه الناس جمعاً حدو
يتمّ باقي المميّز ما معاه امحدا
لا يغرّكم شوّ حكيه والثقل والهدو
تراه ظلعٍ من ظلوع الشفا والهدا
اليا ذكر في مكانٍ جوه خلقه عدو
واليا ازدحم مجلسه ما اقفى وراه وعدا
يعطي عطاً ما خبرته فالحظر والبدو
عشّاق حاظر وتم ولا يواطن بدا
لو ما لك غير ثوبه قدمه لي هدو
من كثر ماقد عطت يمناه مد و هدا
من يعشقون الكريم الذرب مثله غدو
ياخصلةٍ ما تغيب ومن نشد ما غدا
سبّاق دايم على الميراد وين اوردو
مايسبقونه على الجمّه حريب الردا
اخو محمد الى من الرجال اعقدو
في راسه امن الطناخه ما بروس عقدا
وسليل عودٍ له العوّاز يوم إرشدو
ما خالف اللي تهقّوو من كلام ارشدا
حفظهم الله عدد من سبّحو واسجدو
ويديمهم من له اسمى الكائنات اسجدا