إبدء الحكاية قلم وكراسة
كتبت على قد ما وصلت في الدراسة
أربع سنين لورا أول ديوان إطبع
أشعاره محفوظة أكيد من كثر ما بتتسمع
طبعاته خمسة نجاح وشهرة كويسين
ديواني الثاني كله عن فقه مسلمين
سبت الكتابة خالص ركزت في الأغاني
حالنا ديماً في بالي مش أناني

فكتبت ع اللي خان وكتبت ع اللي باع
وسمعت إسمي بيتصرخ من لذة الإستماع
فمسكت قلمي ثاني وجبت نفس الكراسة
وكتبت سبع أيام منهم كان يوم الرصاصة
عمري ما قلت إني كاتب ولا حكون أديب
يمكن هاوي لسه في البداية بس أكيد بصيب
مش عيار بيدوش يروش والسلام
أنا بكتب كل كلمة ليكم بتركيز وإهتمام
فحكيت عن الإدمان والصحاب و وجع المرض
وحكيت عن الخرطوش والثوار والنصر اللي اتولد

وحكيت ياما ما بخلتش يمكن أفيد الغير
وفرحت لما نجاحي كان بيتنسب للجيل
شفت في نجاحك نجاح ليّ وإنتصار
إسأل عليّ حيقولوا لك عمره في يوم ما غار
مؤمن إن التغير هيبدأ بينا
فحاولت أطهر نفسي بدل ما نحرق المدينة
زاد النجاح وزادت الشهرة وجمالها
وقابلت ناس كثير رخيصة رغم كثر مالها
على قد ما في، في الشهرة جمال أنا شفت فيكي العجب
شفت اللي بيغير مبادئه على حسب الطلب
وشفت اللي كان حبيبي وفجأه ليه عليّ اتقلب
إبدأ فصل جديد في الحكاية بعد مين السبب

ياما ناس بتقول كلامهم مش هيدوم
الفاضي بيعمل قاضي وفي غيره يلوم
عيش ما يهمكش حد سيب اللي يقول يقول
خلي اللي سؤاله شاغله يدور ع الحلول

الكتاب الرابع حقق النجاح
في معرض الكتاب كان الأول باجتياح
الهجوم شديد طب ممكن التفسير
لو غلطت أنا حتأسف وحبدأ بالتغير
بس مفيش مساحة للتغيير لأنه مش مطلوب
مش مطلوب إنك تتغير مش هو ده المرغوب
المرغوب إنك تتكسر وتشوف هدفك بيذوب

والحل إنك تستحمل كثر وألم النذوب
في اللي فرح فيك من قلبه وفي اللي حصل
واللي حيفرح أكثر لو ظهرك يوم أتكسر
مولد وصاحبه غايب من بعيد واقف بتفرج
مين اللي قرر يحكم من بعيد وفيّ شرج
قالوا لازم أرد أنطق أقول لازم أتكلم

ملوعونة كل الشهرة اللي في البدن الغير تسمم
ملعونة لو شهرتك مبنية ع النفاق
ملعونة لو شهرتك لضميرك منسياك
ملعونة لو مليها سفالة وإنتهاك
ملعونة وبتلعنك وبتلعن اللي معاك
جرب تفتح الكتاب ودور على الحقيقة
شوف لو كلمة واحدة غي صفحاته مش بريئة
إتنسب كلام ليّ عمره ما اتكتب
ليه بتكذب تضلل لو بتحامي للأدب

مرؤوس الوزن اللي في كلامك وفي شخصيتك واضح
مليان عيوب وسهل كل، كل عيوبك واضح
كرهك وباين في عينيك قصاد الكل
يمكن شفت فزل وعايز كل الناس تتزل
أنا مش بلومك علشان جوايا نفس الشر
ومش بعاتبك أكيد ذقت نفس المر
لكن بقول لك البناء أكيد أصعب من الهد
باقي وحوصل رغم ظن أي حد
باقي وحوصل رغم ظن أي حد

أنا بالنسبة لي أنا لو ما كنتش بعمل الهيب هوب
ما كنتش أي حاجة أعملها
أنا ما بعملش إلا ده، فهو ده أنا فاهم
أنا بدايق وبنبسط وزيي زي أي حد يعني
وبحب حاجات وبكره حاجات وبغلط
وبعمل حاجات كويسة زي الناس كلها

ياما ناس بتقول كلامهم مش هيدوم
الفاضي بيعمل قاضي وفي غيره يلوم
عيش ما يهمكش حد سيب اللي يقول، يقول
خلي اللي سؤاله شاغله يدور على الحلول