السعادة est une chanson en Arabe
بنزول المية في الكوباية
أنا بدأت أفهم
فشفت النص الفاضي منها
فاستغربت بضحك
بضحك علي الأيام اللي عدت في الحزن واليأس
ولا شايف نصها المليان فلا بأس
عادي مش مهم عدت مش حتكسر
عرفت أسباب كثيرة علشانها لازم أبتسم
وشفت إزاي بكلمة واحدة البسمة ممكن تترسم
زي كل سنة وانت طيب مبروك ونورتنا
يا ريت نشوفك ثاني وتبقى واحد مننا
واديني بفتكر وازاي أنا كنت بشتكي
وأقول ده العمر عدي فات ده إحنا لسة بنبتدي
حفكركم واحدة، واحدة يا ريت تستحملوني
أوعدكم بابتسامة لو كملتوا تسمعوني
فاكرين إجازة آخر السنة كل سنة
وحلاوة النجاح لما تنجح إنت وأنا
وحلاوة النجاح لما تنجح إنت وأنا
ياه حلاوتنا لما نرضى بحياتنا
ياه وقلوبنا فاتحينها لخلق الله
ياه حلاوتنا لما نرضى بحياتنا
ياه وقلوبنا فاتحينها لخلق الله
أنا فاكر المحبة والعشرة والصحاب
والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
أيوة فاكر عيد ميلادي والتورتة والشموع
واللعبة دي عايزها واقعد أعيط بالدموع
وعيد ورا عيد بيجي طب فين العدية
يا بخت عم محمد البقال اللي تحتيا
خلصت فلوسي كلها على البوظو واللوليتا
مبروك البوية الجديدة مكتوبة على كل حيطة
ذكريات كثير عبيطة بس كانت أيامنا حلوة
أيوة كانت أيامنا حلوة والمشاكل كانت بسيطة
كلما نكبر أكثر تكبر همومنا تزيد
بقيت إنسان جوة منه محبوس طفل مش سعيد
الدنيا بتاخذ فينا وتودينا وتنسينا
ونروح نتوه ندور ع السعادة وهي فينا
آه بحب السعادة وبحب اللي بيسعدوني
وبحب اللي وقفوا جنبي لما غيرهم كسروني
وبحب المزيكا لما تعلى في العربية
وبحب ليلة العيد والسهر على مسرحية
وبحب لما اللمة تكمل بينا ع الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
ياه حلاوتنا لما نرضى بحياتنا
ياه وقلوبنا فاتحينها لخلق الله
ياه حلاوتنا لما نرضى بحياتنا
ياه وقلوبنا فاتحينها لخلق الله