فارس
یا فارس
نبیل عمال بینده
بینده من زمان
ولحد إمتى حینده

من صغر سنهم واللقاء ما بینا عادة
ثلاثة كل واحد فینا مختلف بزیادة
نبیل الهادي فینا والعاقل بنشوفه أكبر
لكل موقف عنده حكمة وعمره ما لیها كرر
وعكسه فارس شقي طول عمره مهما كبرنا
قلبه طایر ودمه فایر أكثر منا
وأنا بحر الوسطاني بینهم فیّ منهم الإثنین
بتجنن وابقى عالي وأرجع أهدى في ثانیتین
جربنا حاجات كثیر لعب وهزار وفرح
واستحملنا برده یاما حزن وخناق وجرح
وكبرنا أكثر ولقینا العیشة مش بالساهل
لو مهما زاد الحمل بصحابي أنا حبقى قادر

بس الحمل زاد یا صاحبي وجه وقت البعاد
ده كلام في عقل فارس لما بیغرق في السكات
ونبیل كلامه ثابت بكرة أحلى لو حاولنا
مش حنلوم الظروف والزمن وده حظ جیلنا
وفي ثانیة كانت تقوم خناقة بنهم بعدها
یا عم كفایة حكم مش ناقصین ولا وقتها
ویرد نبیل أصبر یا صاحبي ده الطریق طویل
بكرة القلیل على القلیل بالصبر یكون كثیر
هنستحمل لإمتى ما استحملنا كثیر حاولنا
مش حرضى بالقلیل وهسمح تلوم في جیلنا
كان ودي أقوم أفض بینهم بس مش هینفع
طول عمري دوري وسطهم شاهد بیشوف ویسمع

الدنیا بحر عالي والصحاب طوق النجاة
یا خوفي ع اللي نفسه في اللي نفسه فیه مھوداه

فات كثیر بعد الخناقة أول مرة من سنین
یفضى المكان علیّ ومنبقاش متجمعین
وبعد أیام جه نبیل عندي یزورني
ما شفتش فارس سألني بخوف أكد لي ظني
والیوم الثاني كان قدامي فارس بیصارحني
ناویت أسافر وأتمنى نبیل یكون سامحني
ما بقتش قادر أحاول ومات فيّ الأمل
الحال بیسوء زیادة يا صاحبي طب إیه العمل
رغم المجازفة بدون ورق مطمن للطریق
إخترت البحر یكون سبیلي وللسفر صدیق
لاء، لازم تحاول ثاني تحاول أكثر
یا فارس ده انتحار إزاي لنفسك تبرر
أهوالي هتعديها ازاي في مركب صيد
ما تقولش الموج حیشیلني ولأي كلام تعید
مش هعرف أحمیك یا صاحبي مش بإیدي مش حقدر
أنا موجي عالي وإنت عندي غالي ومتقدر

الدنیا بحر عالي والصحاب طوق النجاه
یا خوفي ع اللي نفسه في اللي نفسه فیه مھوداه
خاف على نفسك یا صاحبي وعلى حبایبك بعدیك
ده البحر یاما غرق یاما فرق ناس كثیر قبلیك

نبیل عرف الحقیقة الصدمة كانت أقوى منه
لو شفتوا شكله وقتها تدوا له ضعف سنه
كنت مستنیه یجيني لي أصلي عرفت أنا قبلیه
ما هو مات ما بین إيديّ ولسه في حضني أنا مخبیه
لو كان فهم كلامي لو كان لصوتي سمع
لو كان عرف إن كل نقطة فيّ دموع ووجع
على فارس واللي قبله واللي حیروحوا بعدیه
على أحلام غرقت وراحت جوة البحر اللي مداریه
لو بس حس عذاب غیابه اللي سایبنا فیه
أو لو بس قرا جواب نبیل اللي كتبه لیه
أنا مش بلومك أنا ولا بلوم البحر
بس اللي باقي لنا منك حزن وألم وقهر
كان نفسي تشوف ولادي كان نفسي أشوف ولادك
كان نفسي ربي یجعل معادي قبل معادك
كان نفسي ولسه نفسي أشوفك ثاني عن قریب
ونفسي ما شفش فارس ثاني عن صحابه یغیب

الدنیا بحر عالي والصحاب طوق النجاه
یا خوفي ع اللي نفسه في اللي نفسه فیه مھوداه
خاف على نفسك یا صاحبي وعلى حبایبك بعدیك
ده البحر یاما غرق یاما فرق ناس كثير قبلیك