Chillo è comm'a te est une chanson en Italien
Nu gigante buono ca venette da tanto luntano
Se sfidaie co mare e nisciuno 'o dette na mano
Java appriesse 'o sole e arrivaie addò maie s'aspettava
S'addurmette cu 'a luce da luna
Se scetaie ngoppe 'a terra 'e nisciuno
Chille è comme a ttè, tene ll'uocchie, tene 'a vocca e mane
Chille è comme a ttè, tene 'o core Napulitane
Chille è comme a ttè, e tu 'o ssaje comme se stà male
Chille è comme a ttè, comme a ttè ca nun te siente eguale
Ehi, si m'abbatte ca Sale dinte 'o stesso mare
Foglie do stesso ramo invecchiati cu 'e pregiudizi (ehi)
Ce scurdamme 'e essere umani, stendere na mano, ehi
'E vvote ce scurdamme 'e essere felici (vai)
Na canzone sona forte int"e quartieri (seh)
Na speranza 'e chi dimane nun tene niente (niente)
Nu suonne se realizza qualche vota
Nu scugnizzo sta cantanno nzieme 'a storia
Vai Nino
Napule sarà 'a Regina 'e porta Capuana
Me pigliaie pè 'a mano chi vò bene nun guarda 'o culore
Può scavà inte 'o core e truvaie nu tesoro 'e passione
E nascette cu 'a pelle cchiù scura
stu Scugnizzo da Terra 'e nisciuno
Chille è comme a ttè, tene ll'uocchie, tene 'a vocca e mane
Chille è comme a ttè, se fatica pur'isso 'o pane
Chille è comme a ttè, parla e canta Napulitane
Chille è comme a ttè, comme a ttè ca nun te siente eguale
Ce hamme mparate a vulà ncielo comme aucielle
Hamme nventate tanta cose ma sapimme campà assieme
E' poco ll'interesse si sì 'e ll'Africa o sì Indiana
A fore simme diverse ma a dinte simme eguale
Ma che ce ne mporta do culore ngoppe 'a pelle
'A casa mia t'arapro 'e porte, 'o bene torna sempe
Nun costa niente certi vote a dà na mano
L'unica razza che cunosco è chella umana (vai)
Chille è comme a ttè (comme a ttè), tene ll'uocchie, tene 'a vocca e mane
Chille è comme a ttè, tene 'o core Napulitane
Chille è comme a ttè, e tu 'o ssaje comme se stà male
Chille è comme a ttè (comme a tte, comma e me), comme a ttè ca nun te siente eguale
Sotto lo stesso cielo
Camminamm' assiem'
Comme a ttè, tene ll'uocchie, tene 'a vocca e mane
Comme a me, comme a ttè
Comme a ttè, comme a ttè ca nun te siente eguale