Hindi ko man maibigay sa'yo ang mundo
Ang mahalaga'y may masasayang alaala tayong nabuo
Wala man akong malaking halaga ng salapi
Maaasahan mong ako'y palaging nasa 'yong tabi


Bawat lugar na nakikita'y may istoryang naaalala
Lumingon man sa kanan o kaliwa
Bumabalik lahat ng memorya ng kinagisnan
Na kay sarap balik-balikan
Kumukulay sa paligid ang mga alaala ng saya
Halika't sumama
Nakalimutan mo na ba?


Hindi ko man maibigay sa'yo ang mundo
Ang mahalaga'y may masasayang alaala tayong nabuo
Wala man akong malaking halaga ng salapi
Maaasahan mong ako'y palaging nasa 'yong tabi


Maaari mong gawing sandalan ang aking balikat
Habang nakatingin sa ulap
Sabay tayong mangarap
Na sana'y magkaroon tayo ng magandang kinabukasan
Gagawing inspirasyon ang nakaraan
Unti unting nabubura ang pintura ng mga alaala
Kinalimutan mo na ba?


Hindi ko man maibigay sa'yo ang mundo
Ang mahalaga'y may masasayang alaala tayong nabuo
Wala man akong malaking halaga ng salapi
Maaasahan mong ako'y palaging nasa 'yong tabi