Namamanhid ang buong katawan,
Walang maramdaman.
Naninigas ang mga kalamnan,
Walang masandalan.


Tila parang may nakabara,
Sa daluyan ng damdamin.
'Di makadaloy ang luha,
Samantalang dati ay iyakin.


Aking hiling sa ulap,
Ibalik ang aking pandama..
Aking hiling sa ulap,
Ibalik ang aking pandama..

(Break)

Dati namang sobrang antukin,
Ngayo'y maski makinig sa paboritong kanta'y di kayang patulugin.
Gusto nang matulog nang malalim,
Ngunit mata'y ayaw pumikit.


Gusto ng makakasama,
Ngunit nasasanay nang magisa.
Nakahiga at inuuntog ang sarili,
Manhid ngunit pakiramdam ay 'di mapakali.


Aking hiling sa ulap,
Ibalik ang aking pandama..
Aking hiling sa ulap,
Ibalik ang aking pandama..