Jou reëls kan my nie bind nie
Ek's 'n bedoeïen op reis
Geen status maak meer saak nie
Want die wêreld is my huis

In my niemandsland is almal vry, word grense geïgnoreer
Word elk' burokraat bloot afgelag sonder teëspraak of verweer

Ek's 'n burger van die wêreld
Ek bewoon 'n niemandsland
Sonder wette, sonder grense
Ek is aan elke mens verwant
Ek's Sjinees, Kubaans en Russies
My paspoort is verpand
Maak nie saak van waar jy kyk nie
Ek bly aan die ander kant
In my niemandsland

Vandag is ek 'n Arabier, selfs 'n wandelende Jood
Waar ek woon is daar geen oorlog nie
Elke kind het melk en brood
Daar's geen regbank waar ek woon nie
En geen oordeel hier wat geld nie
Daar's geen koerante wat met nydigheid
Elke oortreding meld nie

Ek's 'n burger van die wêreld
Ek bewoon 'n niemandsland
Sonder wette, sonder grense
Ek is aan elke mens verwant
Ek's Sjinees, Kubaans en Russies
My paspoort is verpand
Maak nie saak van waar jy kyk nie
Ek bly aan die ander kant
In my niemandsland

Hier kan ek my mantel draai
Doen waarna ek voel
Doen waarvoor ek lus het, sonder meesterplan of doel

Ek is 'n burger van die wêreld
Ek bewoon 'n niemandsland
Sonder wette, sonder grense
Ek is aan elke mens verwant
Ek is Sjinees, Kubaans en Russies
My paspoort is verpand
Maak nie saak van waar jy kyk nie
Ek bly aan die ander kant
In my niemandsland
In my niemandsland