Farai un vers de dreit nïen:
Non er de mi ni d'autra gen,
Non er d'amor ni de joven,
Ni de ren au,
Qu'enans fo trobatz en durmen
Sus un chivau.

No sai en qual hora.m fui natz,
No soi alegres ni iratz,
No soi estranhs ni soi privatz,
Ni no.n puesc au,
Qu'enaisi sui de nueitz fadatz
Sobr'un pueg au.

Malautz soi e cremi morir,
E re no sai mas quan n'aug dir
Metge querrai al mieu albir,
E no sai tau
Bos metges er si.m pot guerir,
Mas non si amau.

Amigu'ai ieu no sai qui s'es,
C'anc no la vi, si m'aiut fes
Amigu'ai ieu no sai qui s'es
Ni no m'en cau.

Anc non la vi ez am la fort
Anc non aic dreit ni no.m fes tort
Anc non la vi ez am la fort
No.m prez un jau.

Qu'ien sai gensor e belazor,
E que mais vau.
Peza.m be quar sai rema,
Ab aitan vau.
Fait ai lo vers,
No sai de cui.
Trametrai lo a celui
Enves Anjau.

La contraclau.