Ab joi et ab joven m'apais
E jois e jovens m'apaia,
Que mos amics es lo plus gais,
Per qu'ieu sui coindet'e guaia
E pois ieu li sui veraia,
Bei.s taing qu'el me sia verais,
Qu'anc de lui amar non m'estrais
Ni ai cor m'en estraia.

C'om cuoill maintas vetz los balais
Ab qu'el mezeis se balaia.

Mout mi plai quar sai que val mais
Cel qu'ieu plus desir que m'aia,
E cel que primiers lo m'atrais
Dieu prec que gran joi l'atraia
E qui que mal l'en retraia
No.l creza, fors so qu'ie.l retrais

C'om cuoill maintas vetz los balais
Ab qu'el mezeis se balaia.

Dompna que en bon pretz s'enten
Deu ben pausar s'entendenssa
En un pro cavallier valen
Pois qu'ill conois sa valenssa,
Que l'aus amar a presenssa
Que dompna, pois am'a presen,
Ja pois li pro ni.ll avinen
Non dirant mas avinenssa.

Qu'ieu n'ai chausit un pro e gen
Per cui pretz meillur'e genssa
Larc et adreig e conoissen
On en sens e conoissenssa
Prec li que m'aia crezenssa.
Qu'anc de lui amar non m'estrais
ni ai cor m'en estraia.

C'om cuoill maintas vetz los balais
Ab qu'el mezeis se balaia.