हात तुझा हातातुन धुंद ही हवा
हात तुझा हातातुन धुंद ही हवा
रोजचाच चंद्र आज
रोजचाच चंद्र आज
भासतो नवा
हात तुझा हातातुन धुंद ही हवा

रोजचेच हे वारे, रोजचेच तारे
रोजचेच हे वारे, रोजचेच तारे
भासते परि नवीन विश्व आज सारे
भासते परि नवीन विश्व आज सारे
ही किमया स्पर्शाची भारिते जिवा
हात तुझा हातातुन धुंद ही हवा

या हळव्या पाण्यावर मोहरल्या छाया
या हळव्या पाण्यावर मोहरल्या छाया
मोहरले हृदय तसे मोहरली काया
चांदण्यात थरथरतो मधुर गारवा
हात तुझा हातातुन धुंद ही हवा

जन्म जन्म दुर्मिळ हा क्षण असला येतो
जन्म जन्म दुर्मिळ हा क्षण असला येतो
स्वप्नांच्या वाटेने चांदण्यात नेतो
स्वप्नांच्या वाटेने चांदण्यात नेतो
बिलगताच जाईचा उमलतो थवा
हात तुझा हातातुन धुंद ही हवा

क्षणभर मिटले डोळे, सुख न मला साहे
क्षणभर मिटले डोळे, सुख न मला साहे
विरघळून चंद्र आज
विरघळून चंद्र आज रक्तातुन वाहे
आज फुले
आज फुले प्राणातून
आज फुले प्राणातून केशरी दिवा
हात तुझा हातातुन धुंद ही हवा
रोजचाच चंद्र आज
रोजचाच चंद्र आज
भासतो नवा
हात तुझा हातातुन धुंद ही हवा
हात तुझा हातातुन धुंद ही हवा