धरणी मुकली मृगाच्या पावसाला
सुख माझे हरपले कुठे शोधू ग भावाला
अनंत गगनी तारका अगणित
तसे आठवू भावांचे गुण किती असंख्यात
चंद्राचे प्रतिबिंब गंगेच्या प्रवाहात
गंगेच्या प्रवाहात
चंद्राचे प्रतिबिंब गंगेच्या प्रवाहात
गंगेच्या प्रवाहात
भावाची रम्य मूर्ती उभी माझ्या मानसात
भावाची रम्य मूर्ती उभी माझ्या मानसात
देवाच्या देवळात गोड सनई वाजते
गोड सनई वाजते
देवाच्या देवळात गोड सनई वाजते
गोड सनई वाजते
भाऊरायाची प्रेमळ हाक अंगणात येते
भाऊरायाची प्रेमळ हाक अंगणात येते
वार्‍याची झुळूक आणी सुगंध फुलांचा
आणी सुगंध फुलांचा
वार्‍याची झुळूक आणी सुगंध फुलांचा
आणी सुगंध फुलांचा
सांग जिवाच्या मैत्रिणी गोड निरोप भावाचा
गोड निरोप भावाचा