आता जगायाचे असे माझे किती क्षण राहिले

आता जगायाचे असे माझे किती क्षण राहिले
आता जगायाचे असे माझे किती क्षण राहिले
माझ्या धुळीचे शेवटी येथे किती कण राहिले
आता जगायाचे असे माझे किती क्षण राहिले

हदुयात विझला चंद्रमा नयनी न उरल्या तारका
हदुयात विझला चंद्रमा नयनी न उरल्या तारका
नाही म्हणायाला तुझे हे आपुलेपण राहिले
आता जगायाचे असे माझे किती क्षण राहिले

होता न साध्य एवढा जो शब्द मी तुजला दिला
होता न साध्य एवढा जो शब्द मी तुजला दिला
एकाच शब्दाला उभे आयुष्य तारण राहिले
आता जगायाचे असे माझे किती क्षण राहिले

ते लोक होते वेगळे घाईत जे गेले पुढे
ते लोक होते वेगळे घाईत जे गेले पुढे
मी मात्र थांबुन पाहतो मागे कितीजण राहिले
आता जगायाचे असे माझे किती क्षण राहिले
माझ्या धुळीचे शेवटी येथे किती कण राहिले
आता जगायाचे असे माझे किती क्षण राहिले
आता जगायाचे असे माझे किती क्षण राहिले