उंबरठ्यावरचं माप ओलांडून घरप्रवेश केल्यावर
नववधूच्या डोळ्यात एक शंकित भीती डोकावत असते
नव घर, अनोळखी माणसं आणि आपण एकटे
या मध्ये आपल्याला आपलेपण कोणी देईल का
अशा वेळी या घरात तू पाहुणी नाहीस
उलट तू तुझाच घरात प्रवेश केलायस
असा जर कोणी दिलासा दिला
तर त्या नववधूच्या मनावरचे दडपण
निश्चितच कमी होईल, नाही का

लिंबलोण उतरता अशी का झालीस गं बावरी
मुली तू आलीस अपुल्या घरी
मुली तू आलीस अपुल्या घरी
लिंबलोण उतरता अशी का झालीस गं बावरी
मुली तू आलीस अपुल्या घरी
मुली तू आलीस अपुल्या घरी
हळदीचे तव पाउल पडता
घरची लक्ष्मी हरखुन आता
हळदीचे तव पाउल पडता
घरची लक्ष्मी हरखुन आता
सोन्याहुनी गं झाली पिवळी
सोन्याहुनी गं झाली पिवळी
मांडवाला कवळुन चढली चैत्रवेल ही वरी
मुली तू आलीस अपुल्या घरी

भयशंकित का अजुनी डोळे?
भयशंकित का अजुनी डोळे?
नको लाजवू, सारे कळले
नको लाजवू, सारे कळले
लेकीची मी आहे आई
लेकीची मी आहे आई
सासुरवाशिण होऊन मीही आले याच घरी
मुली तू आलीस अपुल्या घरी

याच घरावरी छाया धरुनी
याच घरावरी छाया धरुनी
लोभ दाविती माय पक्षिणी
लोभ दाविती माय पक्षिणी
हसते घर हे तुझ्या दर्शनी
हसते घर हे तुझ्या दर्शनी
सुखव मलाही आई म्हणुनी बिलगुन माझ्या उरीं
मुली तू आलीस अपुल्या घरी
मुली तू आलीस अपुल्या घरी