My bakkie het gister gaan staan
In die pad duskant Nagel se draai
Met die water wat spuit by die radiator uit
In die son wat die teerpad laat braai

Ek het lank daar bly sit op ‘n klip
In die sandloop langs Nagel se draai
Waar Nagel se wrak lê en roes op sy dak
En die wind deur die kloof aanhou waai

Wie het vir wie daar verraai
Lank gelede daar by Nagel se draai?
Seerkry my kind is soos vrae in die wind
En die antwoord die kan mens maar net raai

Ek droom nog so dikwels ek is daar
In die pad duskant Nagel se draai
Is dit jou stem wat so fluit deur die takke in die spruit
Of die ooswind wat so warm kan waai?

Ek droom nog so dikwels ek is daar
In die pad duskant Nagel se draai
Is dit jou stem wat so fluit deur die takke in die spruit
Of die ooswind wat so warm kan waai?
Die ooswind wat so warm kan waai