Jy sê jy moet nou loop
En so los jy my alleen
Jou jas hang teen die kamerdeur en buite val die reën

Ek hoor hoe jy die trap afstap
Ek hoop jy weet waarheen
‘n Hond krap teen die agterdeur en buite val die reën

En nou’s daar net vier mure
Die lug het grys versteen die damp vlek teen die binnemuur
Buite val die reën

Ek sit hier voor die venster
Ek hoor die wind wat kreun
Die mis hang sulke slierte buite val die reën

Daar is geen sin of rede nie
Eintlik bly mens alleen
In ‘n groter onbekende en buite val die reën

Jy sê jy moet nou loop
En so los jy my alleen
Jou jas hang teen die kamerdeur en buite val die reën

Daar is geen sin of rede nie
Eintlik bly mens alleen
In ‘n groter onbekende en buite val die reën