حيت ديما كتشوفا غير مزوقة
كيف ما ديما الناس مجوقة
عمرك تشوفا كيفما كنشوفوها من تحت ماشي كيفما فوقة
على بالك بلي الراس مبوقة
على بالك بلي تحت معوقة

على بالك باللي شحال من واحد عينه فيها باغي الفرصة باش يحرقة
شحال من واحد تاقت فيه و سرقة
شحال من واحد باعا غير بالمرقة
شحال من واحد خارج يهدر على حقه و شحال من واحد خارج باش يفرقة

دابا عاقت باللي غير كي نافقة
باللي داخل طامع غير في رزقة
و باللي ما شاف منا غير الدمعة والدل وباقي من قلبه كيعشقة
ملي بلادي تولي قصح من الغربة
Combat ملي حياتي فيها تولي
Bomba ملي ما يبقا لي فيها والو ما خاسر والو كنولي غير

آجي عيش معانا إذا باغي تفهم
وريني كيفاش تحضر لي درهم
كين الحبس و مقابر عاندك قلب تغامر؟ وريني كيف تخرج من جهنم
آجي تشوف سنينا كيف يفوتوا
أجي باش تشوف كيفاش نموتوا
أجي تشوف الپوڤري كيف مكرفص صاطم على نفسه باش يدخل قوته
أجي معايا فتح عينك وزومي
قرب مني باش تفهم همومي
أجي عيش معايا غير نهار وليلة باش تقارن بين يومك ويومي

أجي معايا شوف بعينك وما تلومني
الدراري بين الزناقي عايشين كيف الزومبي
ما على بالي بيك ولا اللي معاك يبغيوني
خوتي نشوف الحالة ديالم يبكيوني
أجي معايا
أجي معايا
أجي معايا
أجي معايا
أجي معايا، أجي معايا، وأجي معايا
أجي معايا، أجي معايا، وأجي معايا

خوتي فوق الفلوكة
خوتي تحت الرموكة
خوتي تاقوا في الموت ملي الطموح يتبلوكة
جيل كفكر يبراكي البنوكة
كلشي باغي لاڤيدا لوكة
كلشي ولّى القدوة دياله پابلو الپاطرون د الكوكا

قولي شكون اللي دخل الدروڭا؟
الشباب ديالنا كامل عامل اليوڭة
المجتمع ولّى غابة باش نعيشوا فيها خاص على كتافي بازوڭة
جنراسيون كتسيل ريوكة
خلات غير الشيطان اللي يسوڭة
ما على بالها بلي كاين الدنيا والدين و لاڤيدا عاشوها الڭنوڭة

ولد بلادي قاري وغير بطالي
بطالي في الحومة غير مكالي
ملي ما تبدل والو بنادم ولّى كاشف وبالي
ما ضاع والو غير العمر الغالي
كلشي ديالك حتى حاجة ما ديالي
ماله مالي ولّى مالك ملي ما على بالك بيّ ولا أنا مالي؟
مساخط حنا ولا الدنيا مسخوطة؟
تفلسنا حيت الحياة سلكوطة؟
ولا انت اللي خليتينا فقرا ولا الميزيرية فينا مزعوطة؟
هذا الفقر كيغني بلا نوطة
باش تفهمني فك ودنك مربوطة
أجي معايا انت هو راس الخيط شوف الحل قبل ما تتخبل الخيوطة

أجي معايا شوف بعينك و ما تلومني
الدراري بين الزناقي عايشين كيف الزومبي
ما على بالي بيك ولا اللي معاك يبغيوني
خوتي نشوف الحالة ديالم يبكيوني
أجي معايا
أجي معايا
أجي معايا
أجي معايا
أجي معايا، أجي معايا، وأجي معايا
أجي معايا، أجي معايا، وأجي معايا

أجي معايا شوف بعينك و ما تلومني
الدراري بين الزناقي عايشين كيف الزومبي
ما على بالي بيك ولا اللي معاك يبغيوني
خوتي نشوف الحالة ديالم يبكيوني
أجي معايا
أجي معايا
أجي معايا
أجي معايا
أجي معايا، أجي معايا، أجي معايا
أجي معايا، أجي معايا، أجي معايا