وأنا باقي كيف ما كنت
ودراري باقي هوما، هوما

بإسم الشباب د هاذ البلاد نكتب هاذ الرسالة
حيت ضاق بينا الحال والحال حالته حالة
ملي خلقنا وحنا صابرين والصبر صبره تسالى
كانقولوا غا تحلى وما زايدة غير في البسالة
شابرين لقنات كانموتوا فيهم بالتقالة
(بالدروغا والهاش (كنحاربوا البطالة
ما كانخدموا ما كانردموا حياتنا ماشا نزبالة
كيف القاري كيف الأمي كولشي في الشبكة الخبالة
حرافت لي كيفاش نخدم حيت ما عنديشي الكالة
رجع نلور وتكالا ولادهم هما لوالة
إذا باغي تدمر ضرب البيكو والبالة
ولا تبع الطريق د خوتك سراق وقتالة
مسكينة الحكومة حرفا لها
من دابا نفوق ما كاينشي الراحة حيت حنا دمالة
يا غاتشوفونا شي حل يا غانودوا شي قربالة
قبل ما يفوت الفوت أما هذي غير الرسالة

هذِه رسالة مكتوبا بدم ودموع الفقرا لي جاريين في دمي
حروف خارجة من القلب ما على بليش بالحرب حيت أنا مُقِد بفُمي
فبلا متعمل راسك غافل ولا ما عرفشي ولا بلِّي راك أُمِّي
الهدرة عليك يا بنادم إنت وهذاك ولاخور ولا بغيتوا نسمِّي

هذه رسالة مكتوبة بدموع ودم الفقرا
نالحكومة نالوزارة نأي واحد بدل الكارة
بغيناكم تحسوا بينا تعرفونا بلي احنا صبارا
بالحق ملي غانثوروا الثورة ديالنا حتى نمقبرة
احنايا ماشي غنم إنتوما ماشي جزارة
احنايا المسؤولية ونتوما المسؤولين شفارة
صافي ما بقيناش نخافوا خرجنا من المغارة
عقنا بكم غير الهدارة كلمتكم غدارة
قولوا بش كاتحسوا ملي الشباب فحال النوارة
ما جابر ما يعمل براسه غير كيضيع خسارة
سنين تضيع في الحبس ولا في الغربة بلاد النصارة
ولادنا في الزنقة شمكارة وبناتنا في الدعارة
كيعيشوا حياة الزنقة لي رداتم غير الحكارة
حن تتمحن شعار كيكي والزبارة
وما بقى قد ما فات وتصفر الصفارة
أما هذه غير رسالة بدموع الفقارا

هذِه رسالة مكتوبا بدم ودموع الفقرا لي جاريين في دمي
حروف خارجة من القلب ما على بليش بالحرب حيت أنا مُقِد بفُمي
فبلا متعمل راسك غافل ولا ما عرفشي ولا بلِّي راك أُمِّي
الهدرة عليك يا بنادم إنت وهذاك ولاخور ولا بغيتو نسمِّي

هذه رسالة كاتبينها غِير الشباب
ما خلاو فين دقوا ما خلاو حتى باب
بقاو سنين بتسناو باقي مكاين حتى جواب
صافي القلب راه طاب والراس على بكري شاب
الأمـل في المستقبل خاب وانتوما هما السباب
قتلتوهم بالوعود مشافوا غِير الضبـــاب
ما كاين طريق فين يهراب كاين غِير السراب
غِير قتل في الأحلام ودفن تحت التراب
أ لخاوة كلشي كذاب أعشري كلشي نصّاب
حتى لي جْنَى الغلَّة ليوم ولا حطاب
حتى لي خلى الزبل ليوما رجع يشطّاب
علاش الضمير غــاب حيت في قانون الغاب
الخير معنده حباب والشر هو الغلاب
وشكون تكونوا باش تحكموا علينا بهذ العذاب؟
ودبا سمعوا محلكم في الإعراب
رباعة د أولاد الكلاب

هذِه رسالة مكتوبا بدم ودموع الفقرا لي جاريين في دمي
حروف خارجة من القلب ما على بليش بالحرب حيت أنا مُقِد بفُمي
فبلا متعمل راسك غافل ولا ما عرفشي ولا بلِّي راك أُمِّي
الهدرة عليك يا بنادم إنت وهذاك ولاخور ولا بغيتو نسمِّي
هذِه رسالة مكتوبا بدم ودموع الفقرا لي جاريين في دمي
حروف خارجة من القلب ما على بليش بالحرب حيت أنا مُقِد بفُمي
فبلا متعمل راسك غافل ولا ما عرفشي ولا بلِّي راك أُمِّي
الهدرة عليك يا بنادم إنت وهذاك ولاخور ولا بغيتو نسمِّي
بغيتو نسمِّي، بغيتو نسمِّي، بغيتو نسمِّي