ماشي أنا اللي اخترت

ماشي أنا اللي اخترت
ماشي أنا اللي بغيت
أنا غير حصلت
جبرت راسي في الزنقة صغير واتحكرت
اتحكرت حيت ماقدرتشي نتيق باللي أنا صافي خسرت
و تخسرت من لي عرفت باللي ما عندي مكان حتى في الزنقة إلا خافت
و صافي فهمت واخا ما عمري اقتنعت
باللي أنا إنسان لحياة الزنقة خلقت
ما عرفتشي علاش مشيت فطريق خوتي و ما كانشي لازم
كانوا سبابي الوالدين ولا الفقر ولا بنادم
ولا حيت الورد عمروا ينبت في الغيس
ولا حيت الزنقة ليلى ضروري نكون قيس
حياتي تخبلت
أحلامي ذبلت
نظرة الناس علي صافي دغية تبدلت
ما بقيتشي نميز شكون اللي يتأسف و شكون يتشفى
حيت بجوج لسانهم في ظهري تحفى

شنو قيمة الورد من لي يذبل
شنو قيمة الأرض بلا جبل
شنو قيمة الصحراء بلا رمل
شنو قيمة النحلة بلا عسل
شنو قيمة بنادم بلا عقل
شنو قيمة القلب إذا كحال
حيت إذا الوردة نبتت في الروضة
غاتموت باردة بين الشوك

الزنقة مجنونة
علمتني كيف نعيش بعقلية مسجونة
و نخلي الناس يخافوا مني باش يحترمونا
علمتني نخون العالم أو ماقدرتشي نخونا
الزنقة ملعونة
حياتي فيها توفات
ما كنخاف من لي ماجي ما كنبكي على اللي فات
الدموع بزاف سالوا بيا و لا دمعة سالت عليها
من غيراللي قتلت في وبالفلوس وليت مهووس
و حتى إبليس إذا عطيتوا يدي غايبوس
و البوليس زعمة فالسيرفيس
البلانتوس عندهم بزاف فالكواليس
حناش معايا و حناش مورايا
ما عانديشي صاحبي و اللي معايا لقايا
وليت موسخ و بالوسخ موقر
وباش ما نعيشي محكور عشت حكار

شنو قيمة الورد من لي يذبل
شنو قيمة الأرض بلا جبل
شنو قيمة الصحراء بلا رمل
شنو قيمة النحلة بلا عسل
شنو قيمة بن آدم بلا عقل
شنو قيمة القلب إذا كحال
حيت إذا الوردة نبتت في الروضة
غاتموت باردة بين الشوك

أياو سنان طاحو في الزنقة و في الحبس ضيعوا سنين
خلاولي ذكريات مجمعة و ماضي حزين
خسرت حياتي و خسرت الدنيا و الدين
وليت نفتش على الموت و الموت ما بغى يكون حنين
يدي مقطنين ولى موسخين بالدم
حيت كلشي باغي يسمرني كلشي باغي يشكم
كلشي باغي يبركك بيا كلشي باغي يخدم
حتى اللي كلاو و شربوا معايا بغاو يسقيولي السم

عايشين
بين الزناقي كاندور
حفروا لحفاري
طلعت العشرة غي كذوب
غير الضرب و الجرح
زاع الرعب فالقلوب
عندي العيب مع العالم
و في حرب الزناقي موهوب
فات الفوت أ صاحبي
موحال ندرك نتوب
كانشوف قرطاسة قاصدة صدري
و قلبي مثقوب
حتى ولى الموت محسوب
عرفت باللي المكتاب مكتوب
و أنا اللي اخترت الأسلوب

قيمة الورد من لي يذبل
شنو قيمة الأرض بلا جبل
شنو قيمة الصحراء بلا رمل
شنو قيمة النحلة بلا عسل
شنو قيمة بن آدم بلا عقل
شنو قيمة القلب إذا كحال
حيت إذا الوردة نبتت في الروضة
غاتموت باردة بين الشوك

شنو قيمة الورد من لي يذبل
شنو قيمة الأرض بلا جبل
شنو قيمة الصحراء بلا رمل
شنو قيمة النحلة بلا عسل
شنو قيمة بنادم بلا عقل
شنو قيمة القلب إذا كحال
حيت إذا الوردة نبتت في الروضة
غاتموت باردة بين الشوك