في عالم خيالي، خيالي هبني مدينة على مزاجي
في عالم خيالي، خيالي هبني مدينة على مزاجي
غصب عني، غصب عني بهرب من كل حاجة مني
غصب عني، غصب عني بهرب من كل حاجة مني

عالم خيالي مجرد من الحساب خذ وهات
الحسابات أصل تعبنا اللي فات، اللي فات، فات مات
إحرق كتاب الذكريات
تخيل غمض عينيك مع المزيكا روح واحلم
بمكان أمان فيه بأسرارك ممكن تبوح
إوعى تبقى آخر عاقل جوة عالم مجنون
إسرح بالخيال وسافر برة حدود المعقول
لو معايا في أمنياتي يلا ويّاي قول
صاحبي ما تيجي نروح نتوه في رحلة بعيدة
يمكن مركبنا توصل ترسى بينا في أرض جديدة
في الحقيقة مش مضمونة النتيجة
بس أكيد في يوم هيحصل والحياة تبقى سعيدة

العمر ما يكفيش مش حمل أضيع فيه
لا هممني دي الوقت ولا عامل حساب بعدين
ضيعنا وقت كثير بنراضي ناس ثانيين
مش حمل أنا التأنيب ولا أصعب على نفسي

وعلى فين هنروح مبقتش فارقه رجوع
لو بس أكون مبسوط ده اللي هاممني
تعبت من التدوير أنا عايز أبقى بخير
وأهرب من التفكير لمكان يطمني

بعيد، بعيد عن وسائل التواصل
عن الود الكذاب اللي في عالمنا حاصل
بعيد عن اللي قاصد يكون بكلامه حاصد
مكانه عند حد خلت كلامه وقلبه باهت
راقت الدنيا قصاد عينينا لما قلوبنا فاقت
بانت حقيقتنا إيه لما المشاعر ساقت
راجع أراجع نفسي قبل أما أمشى وأباعد
جايز أجتاز المحنة ويسامحني اللي عايز
بعيد، بعيد عن أي شر أنا السبب في وجوده
بعيد عن أي خير عملته عشان أقوله
بعيد هناك في أرض جديدة بعيدة تانية
بعيد عن النفوس السابعة والأطماع الفانية

مين اللي شاف قلبي ويعرف اللي فيه
نفسي اللي أعمله ما بقاش مجبر عليه
الوقت كأنه واقف ما بقتش أحس بيه
لكنه بان في شكل كبرته وده الغريب
أكسر حاجات وأخسر حاجات أكثر ويارتني سبتها
مهزوم يبص على الدموع يفشل في إنه يعدها
جايز بقيت مسجون في كذبة أنا اللي كذبتها
كل أما أقول عايش بلاقي الخوف بيثبت عكس ده

آه وعلى فين هنروح ما بقتش فارقة رجوع
لو بس أكون مبسوط ده اللي هاممني
تعبت من التدوير أنا عايز أبقى بخير
وأهرب من التفكير لمكان يطمني

وعلى فين هنروح مبقتش فارقه رجوع
لو بس أكون مبسوط ده اللي هاممني
غصب عني، غصب عني بهرب من كل حاجة مني
غصب عني، غصب عني بهرب من كل حاجة مني
غصب عني، غصب عني بهرب من كل حاجة مني
غصب عني، غصب عني بهرب من كل حاجة مني