صعبان عليّ إنك مخذتش اللقطة كاملة
وطول الحوار عمّال تقول أي كلام
قولي، قولي، قولي
طب عايزة أشوف منك رياكشن أو محاولة
مش عيب عليك تهرب عشان جات لك مكالمة

إسمع يا لا
يا قفص لمون وبإيدي والله لأقطعه
آخرك في بلدك أما أنا لافف وداير
هقول كلام وغصب عنّك هتسمعه
يا إبني اللي شبهك عندنا بيجيب سجاير
حريقة بروداكشن

هاتوا لي كبيركم يتعلم
هاتوا لي رجالة تتكلم
شكل العيلة ما فيهاش غيركم
فبلاش معانا تتحنجل
الملكة سايقة شرق وغرب
وحرام تتذكروا رجالة
الرجالة ماتت في الحرب
واحنا ما بنجيش على ولايا

فرقونا ريحتونا والله خنقتونا
مش بدّيهم إهتمام فمني غيرانين
العركة دي لو ابتدت هيقوموا زعلانين
عندي الزرار في مكتبي لو اتغريت حدوس
أنا لسه ياض بصحتي أما إنتم بالفلوس
هما في الأكشن نص، نص ومكشوفين
أما إحنا نحب نروح في الوش وندوس بنزين
سمّعهم يا حريقة

أصل الشجاعة سرقاكم
يا خسارة وقفتي معاكم
الحالة كانت صفر الميّة
ومافيش غيري قواكم
جدعنتي خسرتني كثير
كان لازم أختار أقدّر مين
بس عادي حصل خير
الشدة بيّنت الأصيل

في العلالي سعر غالي
واللي في بالي إنتم مش في خيالي
إوعاك في يوم تحط نفسك ياض مع الغشيم
أنا محترم مع اللي يقدر مش مع العويل
دفعة محبة والمودة ع الصاحب التمام
لو لقيته في الزمن ده متفرطش فيه
شيّع يا حريقة