ساكت وصابر أنا علشان هربيكم
أصل الكتاب مليان بكل بلاويكم
أما الجدع جي يوقع الكل راح شارك
قتلوا القتيل في جنازته الكل راح بارك
بعمل معاهم الصح ويشبعوني دموع
في الغدر نازلين دح ومقفلين مجموع
دم الرجولة بيسيح بحبلها مقطوع
الفرح أصلا شح ده أنا في العذاب منقوع

مجروح وبنزف من دمي، مافيش واحد بيشيل همي
كل البشر بيعاني رخيص، أكبر سلام ليك يا أمي
شلتيني وأنا كنت بخطي، والله على رجلك أوطي
لو شوفتي جرح هيأذيني، تيجي مكاني وتتحطي
رب العباد هو الساند، في الدنيا تعبان وبعاند
كل الصحاب غدرت بيّ وع الحقيقة يا ناس بانت
مافيش سالك ليّ نهائي، وحبايبي غلبت أعدائي
ده نص عمري أنا ضيعته وبجد مش لاقي الباقي

وقلوب خلاص قافلة fake كل اللي جنبك
خنجر ومتشال ليك والضربة على غفلة
صاحبك ما كانش شاريك وعمل عليك حفلة
حتى حبيبة الروح طلعت كمان سافلة
صاحب جدع في الشر والخير ما بيزورهوش
في كلامه ده بيصفر لابس تملي وشوش
العين بتنزل قر تحسد في أي قروش
لما العويل يتغر إعمل ما تعرفهوش

حب الفلوس والسبوبة خلى الدماغ دي في غيبوبة
الكل عامل إنه تمام والماركة أصلا مضروبة
البيع خلاص بقى بالجملة
وتشوف عويل يعمل حملة
الناس تطبل وتزمر للي معه قرش وعملة

شوفتك ملاك وإنت شيطانة
ما تجيش وتعملي عشقانة
ما بقولش إنك ست الناس، ما قولتش إنك واحشانا
ده أنا كنت متغفل فيكي ومسحت اِسمك من شيكي
العيب حبيبتي ده مش عيبك، العيب ع اللي مرييكي
قلبي اللي عاش مجروح قادر بإيدي أداويه
ده أنا سيبته ياما يروح لخلق لعبت بيه
عايش حلاوة روح وأشرح وأقول لك إيه
عظم الجسد ملوح والطب محتار فيه

شايف وشوش خايفين وعيال ملوك في الزن
هو إنتم بني آدمين ولا إنتم حزب الجن
هاتوا صحاب غاليين يمكن علينا تحن
نبعث رصيد بمتين ونشوفوا مين هيرن