صعيب تبغي بلاد ما عندك فيه حتى الردمة
عطاك البرد والجوع وما عطاك الخدمة
إذا كنت باغي تعيش خلص الضو والماء
إذا كنت باغي تموت موت في الظلمة
ملي كنت صغير وإنت ترسم في النجمة
دابا ملي كبرتي كبرت معك وشمة
نجمة دايما فوق عالية في السماء
وإنت فوق الأرض مكالي غير بالزتمة
يمكن شي نهار حلمتي وفقتي بالصدمة
شفتي الأحلام كتموت والكوابيس كتعدمها
خصك تبغي بلادك وخى بلادك غير كلمة
بلادك يعني ديالك وخى غير كترسمها
خصك تعيش تبغيها وقلبك في حبها يعمى
خصك تموت عليها وخى فيها كتدما
بلاد الكوابيس تعلم تحلمها
بالدم والدموع ترسم البسمة

بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب
بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب

بلادك معترف بيك بالجنسية والتعريف
دبر راسك كيف تعيش مواطن نظيف
القهرة سالوا دموعك الراية ماشي زيف
دموع الصيف دابا تمحيها دموع الخريف
إذا بغيتي عيش محقور وإذا بغيتي هز السيف
إذا باغي تكالي السور تبع الهش والكيف
إذا كنت باغي تثور ابلع الدروجا والكيف
جري بين الزناقي واجمع المناتيف
وإنت وزهرك الخاوة حيت القاضي ماشي شريف
إذا شلحتي له الحبة غيولي لسانه خفيف
قل لي إذا كان الوطن كرطون في الرصيف
المواطن غيكون ظريف قلبه رهيف
بزز منه يكره البلاد ويولي عنيف
حيت كاين في هاد الأرض ناس عايشين في الكنيف
ناس عايشين في هاذ البلاد ما عالم بيهم غير اللطيف
بالنسبة ليهم حب الوطن غير تخريف

بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب
بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب

أجي معايا ندفنوا أحلامنا المقتولة
أجي معايا نعدموا أحلامنا المشلولة
عندفنهم في أرض ما عطاتنا حتى سنبلة
وجد راسك للبحر حيت الفقر قنبلة
وإذا كان الوطن مجرد بيبان مقفولة
يعني غتعيش حياتك غير تطرطق في القفولة
إذا عشتي في هاد البلاد بحال رضعتي بيتبولا
خصك دغيا تكبر باش قبل ما تاكلك الكولا
القانون في هاد البلاد مكتوب بحروف ماشي مشكولة
قراه كيما بغيتي ودوز العمولة
حيت الشر هنا كيمثل دور البطولة
قراونا كيف ما بغاو باش في النهاية نكونوا سطولا
باش عمرك ما تفهم باللي الدولة هي المسؤولة
زرعوا فينا الخوف وحنا باقين في السنة الأولى
ملي كنا صغار علمتونا نخافوا من الغولة
ملي كبرنا عرفنا باللي الغولة هي الدولة

بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب
بلادي ما عطاني والو باغي مني الحب
والحب من طرف واحد معلق غير في السحب
إذا غدا هب الريح والشتاء ما بغات تصب
موحال الحب يعيش عايش غير بالحب

ييه باش ينجح أي حب خصه يكون متبادل
وأنا كنبغي بلادي تبغيني حيت كنبغيها
حيت حب الوطن كيخلاق فينا
وكيكبر معانا وتوما اللي باغيين تقتلوه ييه