الموت علينا حق، إذا واحد فينا سبق ضروري الثاني غيلحق
غير كاين واحد الفرق، هو ألم الفراق

صاحبي دابا راك مكفن وقبرك محفور
جات الساعة د الفراق حيث لازم ومجبور
أول مرة نخليك حيث بوحدك مختور
أول مرة نخليك بوحدك نرجع اللور
شحال كنا صحاب وشحال كنا قراب
قد ما كانت العشرة ذابت فحال السراب
حيث اليوم نمشي ونخليك بين الغراب
باليد اللي كانت في كتافك نرد عليك التراب
الوداع أ صحبي، كنت العشير ديالي
خليتي غير موطعك كا نشوفش فيه خيالي
وحيث مشيتي في حالك تا أنا ماشي فحالي
ورث منك ذكريات عمرها تمحا لي
صاحبي مشيتي وخليتي دموعي تسيل
كا نحس بيك حدايا وفي يدك منديل
وباش تمسح دمعة ولا مستحيل
حيث عمرك ما ترجع من بعد الرحيل

صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات و القلب حزين
الوداع أ صاحبي

الوداع أ عشيري، اللي سكنتي بين القبور على غفلة
يا اللي خليتيني وحيد وخا صحاب الكفلة
محال يكونوأ فحالك إيذوقوا معايا حلاوة الدفلة
هادو غير صحاب إفرقوم الريح كيما سحفلة
اليوم جا الموت اداك من أحضان العشرة
وأنا واقف عاجز وفي عيني دموع الحسرة
عقلي ما بغى يستوعب بلي هذي آخر نظرة
غنشوف فيها صاحبي اللي كندفنه بصبعاني العشرة
باقي عاقل ملي كنا ندوزو بين لمقابر
نبقاو نتأملوا حتى يشحف الريق من الحناجر
قل لي شحال ما بقينا هذا هو المصير
شحال ما طال العمر بالنسبة للموت يبقى قصير
اليوم راك في قبرك وأنا في يدي الريحان
بين البكى والنواح تخلطوا الألحان
كنتسأل واش حزنان ولا غتكون فرحان
بالنسبة ليلي الموت فنان الأحزان

صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي

كنت كتصلي حدايا اليوما صلينا عليك
كنت ديما معايا ولي ما معايا عليك
كنت صاحبي كنت عشيري كنت الخاوة ديالي
كنت وغتبقى دايما في بالي
الضحكة ديالك باقية مسجلة في وذني كنسمعها
بعدما كنت شريكي في الفرحة والدمعة
بقيت اليوم بوحدي نبكي في حال الشمعة
دموعي تسيل في السكات والصبر ما قد يقمعها
صاحبي دابا راك في القبر وأنت المرحوم
وصل الأجل موتي وأنا المصدوم
هذا هو المكتاب وحتماه عليه اللوم
سمح لي إذا بكيت حيث الفراق مسموم
مفروض عليّ نرضى هذا قضاء ربي
بزز مني نوقف نزظم على قلبي
أول مرة بلا بيك غنمشي في دربي
و آخر مرة نقول لك الوداع أ صاحبي

صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي

صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى في رمشة عين
شد عيونه خلى غير عيوننا مدمعين
مشى سكن في قبر حيث ولى من الميتين
خلى غير الذكريات والقلب حزين
الوداع أ صاحبي