جبرتيني كنعيط للبلاد
توحشت الوالدين الخاوة
و خوتي و دراري الحومة
الغربة ملعونة راك عرف
تبكي اللي عمره ما بكى
حتى إنت عيط للحباب الخاوة
ما تنساش العز

كيف حالك أيمة توحشتك بزاف
توحشت نتخبى في حضنك ملي من الدنيا نخاف
أنا في الغربة بلا بيك ما في حالتي ما يتشاف
بعض الساعات كنمل يطلع فراسي الزعاف
كنتمنى نشد عيني نفتح نجبر راسي حداك

ناقصني غير جناح و نولي نطير في سماك
ما قطعتشي لبحر باش نقول ما عندي الزهر
عطيتكم بالظهر باش نرجع بوجهي حمر
جيت ن بلاد الناس باش نخدم و ندمر
ضربت طريق طويلة وملي عطشت شربت المر
أول خطوة في طريقي كانت غير شبر
شبر مور شبر بان الحلم و كبر
ضحيت بالماضي باش نضمن المستقبل
جمعت لعطور و خليت الورد يذبل
غريب مغرب بالبحر مزرب
و فاتوا سنين و ما بقا لي والو نقرب

الغربة ملعونة تبكي اللي عمره ما بكى
ملعونة تملكك وما تملكها
الغربة ملعونة تبكي اللي عمره ما بكى
ملعونة تملكك وما تملكها

كنت طالع فرحان عندي العائلة في الغربة
غير وصلت مشيت ن التيليفون بزربا
و بقيت كنعيط و كل مرة كذبة
تسالاو الفلوس و نعست غير في الخربة
الغربة كلبة و بزز مني الحلبة
عمروا البراني ما تعطيه من قلبها
عريت على ذراعي و خرجت باش نتكرفس
خدمت في كلشي و على نفسي كنعفس
دوزت ليالي في الزناقي الباردة
ما زطامتشي في الخاوي واخا الخاوية واجدة

جيت باش نكافح
ماشي باش نضيع عمري شراب و تنافح
لعمر غالي خصه يمشي في الغالي
و الحلم اللي في بالي
نرجع لبلادي و الوالدين ديالي
راسي عالي
و جيبي مكالي
و جيب العز ولا كحز راس مالي

الغربة ملعونة تبكي اللي عمره ما بكى
ملعونة تملكك وما تملكها
الغربة ملعونة تبكي اللي عمره ما بكى
ملعونة تملكك وما تملكها

إذا قلت ليك أيمة كيفاش يدوز نهار العيد
كاملين مجموعين و غير أنا اللي بعيد
الدمعة في خدي و جالس وحيد
الغربة مرة و في رمضان كتزيد
ما بقا لي قد ما فات و نعدل لوارق
غتجبرني حذاك معاك قبل ما الشمس تشرق
نهار رجوعي كنحس بيه قريب
باغي نغرق في رضاك و في حضنك نغيب
في بلاد الناس أنا عايش غريب براني
و طعم الغربة عمره يحلى في لساني
أنا مغرب حيت بلادي ما عطاني
و قريب نرجع يمة تسناني

في بلاد الناس أنا عايش غريب براني
و طعم الغربة عمره يحلى في لساني
أنا مغرب حيت بلادي ما عطاني
و قريب نرجع يمة تسناني
الغربة ملعونة تبكي اللي عمره ما بكى
ملعونة تملكك وما تملكها
الغربة ملعونة تبكي اللي عمره ما بكى
ملعونة تملكك وما تملكها

يا دراري د الغربة سلام عليكم
جيب العز ولا كحز واش بيكم
ياو الغربة مرة ولبلاد راكم عارفين سرها
جيب العز ولا كحز الخاوة ديالي
قلي شني باغي تجرب؟
جيب العز ولا كحز

الغربة ملعونة تبكي اللي عمرهما بكى
ملعونة تملكك وما تملكها
الغربة ملعونة تبكي اللي عمره ما بكى
ملعونة تملكك وما تملكها
في بلاد الناس أنا عايش غريب براني
و طعم الغربة عمره يحلى في لساني
أنا مغرب حيت بلادي ما عطاني
و قريب نرجع يمة تسناني
في بلاد الناس أنا عايش غريب براني
و طعم الغربة عمره يحلى في لساني
أنا مغرب حيت بلادي ما عطاني
و قريب نرجع يمة تسناني