هاذي أم ماشية في الليل هازة ولدها
دمعة حارة في خذها تسيل تبكي على الكبدة
جا نتيجة غلطة و الأب بدل جلدة
حيت يماها فلوس وهي غير خدامة عندها
و ما عندها لاين ما عارفة ش عاتعمل بيه

كيفاش عتعيش ما دابا نفوق كيفاش عتربيه
قلبها كيتقطع ملي كيبكي و هي كتشوف فيه
من غير لحليب لي في صدرها و ما عندها ما تعطيه
لواته في بطانية و نزلاته في القنت ومشات
خطوات قليلة ومن بعد وقفات
ملي سمعت البكية دياله كتهرس السكات
دارت شافت فيه شوفة الوداع و جرات
خلاته يعيش في حضان الناس أحسن ما يموت في حضنها
الظروف اللي جعلت الأم تتخلى على ابنها
سمحت فيه و مشات و بقى مجرد ذكرى
و عارفة باللي ملي يكبر محال يعذرها

كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة

هذا واحد كان عشير مبلي بالدمعة
دالع في الزناقي موسخ يطلب ويسعى
مركوزة فيه حتى لعظم حرافت له يقطعا
بزز منه يحضر لفلوسة حيت المونو يرعى
و حيت مبلي هذي سنين ما كفيشي يردعا
كحتاج منها بزاف حتى ولى فدمو يزرعا
كي يجمع درهم بدرهم و باقي ما جمع والو

كلشي عايق بيه مبلي و العالم كي يسال له
مشى كيتلوى عند البزناز باغي غير شي بورصة
قلب فيه جرى عليه حيت فلوسه ناقصة
ما بقا له فين يعطي الراس و مشى كيجري للدار
يماه مسكينة مرة كبيرة و باه في القبر
اداالها التلفزة صاحة وغير في الحومة باعها
مشى بزربة جاب السخرة و من ديك ساعة
ما بان وظهر
حتى دلع في الحومة لخبر
بلي جبروه في واحد الخربة مات مكوفر

كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة

هذا أب خارج يخدم على ولادوه في خمسة د الصباح
قاصد طريقه داخل سوق راسه فهمومه يسرح
باش يختصر الطريق دايز غير بين الدروبة
درب مشبك بدرب ماشي بخطوات مزروبة
وقفوا عليه ثلاثة ملثمين في يدهم السلاح
كالاوه مع الحيط فتشوه ما جبروا ما يتزداح

الشمتة زادت في المونو زادوا ولاو قباح
بداو كايضربوا فين ما جات قلوبهم قساح
مسكين كيشوف الروح دياله قريبة تخرج منه
كيقطعوا فيه غير بالضحك دراري كيتفننوا
أي واحد كي يشوف الموت كيدافع على راسه
واحد فيهم كان قريب حيت تايق فراسه
ما نواشي في راجل كبير عيضربوه بسمة فراسه
عيجيبه كاو في الأرض و عيقطعوا له نفاسه
مسكين كان ماشي غير يخدم صدق غارق في الحبس
حيت جابته الظروف كان لازم الدفاع ع النفس

كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة

كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة
كتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة