بلا ما نهدروا على الطفولة حيت كنعقلوا غير على الرجولة
خلقنا تربيّنا وكبرنا في الزنقة لي راسها دايما كنبوسولا
علمتنا بزاف وخا غولة الزنقة في الرحمة كسولة
قراتنا وطلعنا كنطيروا وخا في المدرسة كنبانوا غير سطولة

والدينا كانوا غير ضعفاء
قنعوا بالحلال حيت شرفاء
خلّاو الدنيا كا تجرّي غير بوحدها كانوا عارفينها غير خرافة
علاش حنا جاتنا ولّافة؟
جاوبتنا الزنقة حيت شوّافة
زمانا ماشي فحال زمانهم هوما ما كانوش من الفقر خوّافة
شوف الوقت كيفاش تبدّل
شوف بنادم كيف تبهدل
شوف الزمان لي خلّى الدمعة على خد الرّاجل تنزل

الحمق الحبس المحمل
غتفكّر في الرابعة تهبل
شوف لك كيفاش تجيب راسك في الزنقة وما تخلّي حتّى شماتة يترجّل
الزنقة عندها قوانينا
الدقّة في الحيط ولّا فينا
واذا شفتيني جايب راسي فيها مكالي برضى يمّة الحنينة
الكاغيط يتحكم في هاد المدينة
الحگارة غادي يصدموا علينا
والذراع لي ما يجيبا بالذراع معاهم آ صاحبي قطعوا وسالينا

(حياتنا(حياتنا) غير كذبة (غير كذبة
(دازت (دازت) بالزربة (بالزربة
(قلوبنا (قلوبنا) خربة (خربة
(حيت الجوع (حيت الجوع) ولد الكلبة (ولد الكلبة
(حياتنا(حياتنا) غير كذبة (غير كذبة
(دازت (دازت) بالزربة (بالزربة
(قلوبنا (قلوبنا) خربة (خربة
(حيت الفقر (حيت الفقر) ولد الكلبة (ولد الكلبة

الزنقة علمتني ما نخونشي
الثقة ما عنديش في كل شي
كنموت مع صاحبي واذا طلع شماتة كنليكيدي وما كنعقلشي
الزنقة علمتني ما نخافشي
فين ما جابتا الخبزة نمشي
ها ديالك ها ديالي ما نسالك ما تسالي باش ما يبقى عجينك في كرشي
الصحاب لي تقلبوا خوانة
غتجيبهم الزنقة بـكانة

كيقولوا الكريمي والليل ورّيوني فين هوما ما كاينة دبّانة
كاينة علينا ولّا معانا
وكيف، كيف عندي أنا
و الدنيا خلّيها كدور وكتميل وكتغني فحال شي سكرانة
الرجال كيموتوا بالغدرة
الشمايت كيتذبحوا بالحقرة
كنضحكوا كنبكيوا من القلب ما كنافقوا ما نعرفوا ضحكة صفرة

ما كنربّيو الكبدة على عشرة
الفلوس كيبدلوا البشرة
شمتة مور شمتة تعلّمنا طحنّا ولّينا في الشمايت خبرة
رضعنا السم من صدرها
الزنقة يمّانا العقرة
ما ترحم فينا حتّى مسخوط غتدّفنوا بالروح إذا طاحوا فـي قبره
قلوبنا ولّات كيف الحجرة
كنشوفوا غير بالعين الحمرة
كنلعبوا مع الدنيا كنحاولوا نربحوها وخا عمرا طلعت خاسرة

(حياتنا (حياتنا) غير كذبة (غير كذبة
(دازت (دازت) بالزربة (بالزربة
(قلوبنا (قلوبنا) خربة (خربة
(حيت الجوع (حيت الجوع) ولد الكلبة (ولد الكلبة
(حياتنا (حياتنا) غير كذبة (غير كذبة
(دازت (دازت) بالزربة (بالزربة
(قلوبنا (قلوبن)ا خربة (خربة
(حيت الفقر (حيت الفقر) ولد الكلبة (ولد الكلبة