Ikusten nauzu ta irribarre zara
automatikoki
eta nik ez dut barruan kabitzeko
adina toki.

Biluztu itzazu aurreiritziak
ta goazen ohera
plazer hutsaren barrunbe epeletan
nabigatzera.

Adar eroa
gorputz ireki baten bila doa.
Adar beroa
gogoz jardunez baino abilagoa.
Lore itsua
kolpea orain eta gero musua.
Lore urtsua
odolustuz doa isuriz sua.

Erdi ilunpetan, pertsianak jeitsita
kanpoan eguna
ta gure untzian ekaitzaren ondoren
lasaitasuna.

Xirri lehun baten ezuste berria
hartzen duzu irriz
zure eskua hemen, nire mingaina han
ta goazen berriz.

Adar eroa
gorputz ireki baten bila doa.
Adar beroa
gogoz jardunez baino abilagoa.
Lore itsua
kolpea orain eta gero musua.
Lore urtsua
odolustuz doa isuriz sua.