Denok daukagu hainbat sekretu
guk bakarrik dakiguna,
kontu txikiak eta handiak
guztiak garrantzitsuak;
ta Olentzerok ondo gordeta
zeukan ere sekretua;
baina jadanik guk badakigu
non dituen gure gutunak.

Horra Olentzero
jator eta ero,
zatoz gure etxera
oparia ekartzera.

Urte berrian iristen zaigu
alaitasun handiena
itxaropenez ta ilusioz
poztu egiten gaituena
zu zeu zaitugu
gure Olentzero
adiskide maitatuena
maite zaitugu, behar zaitugu
zu zarelako onena.