Basoan eta mendian gaude
Jantzia dugu guk, gorri;
gugaz jolastu gura baduzu
arin gugana etorri,
batzutan salto, bestetan lasai
baina gehienetan korri,
jende guztiak, mundu guztiak
deitzen digu Galtzagorri.

Lanean gogor arituz gero
denok nahi dugu saria,
horregatikan gaurko gauean
jasotzen da oparia,
horretarako jardun behar dugu
betetzeko denen nahia,
piztu dezagun oraintxe bertan
su magiko ta handia.

Galtzagorriak gara,
alai ta bihurriak,
Olentzerorentzako
laguntzaile onenak.

Galtzagorriak mugitzen gara
baso eta zuen etxeetan,
txikiak eta jostalariak
gabiltza askotan festetan,
alaitasuna ta zoriontasuna
dauzkagu gure bihotzetan,
eta lanean dihardugunean
barrea beti ezpainetan.