LID FUN LETSTN INTERNATSYONAL
(Yiddish poem by Aaron Zeitlin)
un ven ale veln hobn i di arbet,
i di zet,
vet kumen der gerekhtikayts
grester poet
un vet zikh onnemen di krivde
fun dem mentsh dem kalike,
fun onoygike, onhentike,
kretsike, falike.
kapital vet dan lign geharget -
vet er firn makhnes kegn arbet,
vi itst firt men makhnes
kegn kapital.
un zayn vet dos
der letster internatsyonal,
internatsyonal fun
mentsh dem kalike,
fun kranke, blinde, falike,
un fun dikhter,
vos viln nit arbetn, nor zingen,
fanandershikn klangen
vi sfire-dike ringen
iber umbakante vasern.
farnemt dos lid
fun letstn internatsional,
internatsional fun di,
vos kenen nisht,
un di, vos viln nisht,
in arbet zayn geshpant!
fritsaytik iz dos lid -
un efsher nisht.
a mentsh vet kumen
tsum sof fun di teg,
a soyne fun der mi,
un oyfbunteven vet er ale di,
vos zeyer gold vert farrekhent far
shmelts -di nisht-arbeter der velts.
un azoy vet zogn der firer
der letster: arbet iz nit tsil,
arbet iz nor veg tsu shpil,
frayer, hekhster shpil far got.
un makhnes rizike vet er zamlen
un makhnes rizike veln shrayen
"mir viln glik, mir viln glik!
mir viln glik, mir viln glik!
aher tsurik, aher tsurik, aher tsurik
oygn, hent, fis, freydn,
farloyrenem gan-eydn!"
un volkns un yamen
shpalt der gvald
un got aleyn muz nidern
un onnemen geshtalt.
in a levush,
gehoftn fun neshomes un fun shtern,
kumt er aroys tsu di revolutsionern,
un er efnt, der Boyez fun veltn,
zayn shayer
un ale zayne giter
tsegit er:
dem blindn - an oyg fun fayer,
dem shtamler - di sharfste fun tsungen,
dem shvindzikhtikn - bliendike lungen,
itlekher akore - ir kind,
itlekhn goylem - zayn Maharal...
ot dos iz s'lid fun hekhstn,
gerekhtstn un letstn internatsyonal.